నా తెలుగు రాతలు!

నాకు గిర గిర గిరికీ ఉరికీ , దూచి దుంకీ అయ్యింది!

2008-07-01T14:21:00.000-07:00

ఈ మధ్య రాయటం అలవాటు పోవటం వల్లో ఏమో కాని, మళ్ళీ మొదలుపెట్టేటప్పటికి ఇప్పటి జనాల రాతల్లో చాలా మార్పులు కనపడుతున్నాయి.మా సాంబు గాడిని కదిల్చా...ఏరా సాంబా, దీనికి కారణం ఏమయి ఉంటుంది అని - వాడు తీవ్రమయిన దయ్యం చూపు ఒకటి చూసి, "ఒరే పక్షీ మార్పు అనేది అసహజం, కూర్పు (ఎత్తి రాయడం) అయితే సహజం ..ఇది కూడా తెలీదురా నీ ________ అన్నాడు(అని ఒక బూతు మాట!)"...నాకు గిర గిర గిరికీ ఉరికీ , దూచి దుంకీ అయ్యింది....ఆ దూచి దుంకి ఏమిటో వచ్చే టపాలో

త్యాగ

తెనుగు వృద్ధుల్ , తెనుగు వృద్ధ బాంధవులనేకుల్

2008-06-28T23:02:00.000-07:00

ఇదివరకొకసారి ఈ టపా రాసాను..కానీ మళ్ళీ రాయాలి అనిపించింది..

రాత్రి అన్నగారు దుశ్శాసనుడి మీద ఆగ్రహం అభినయిస్తూ పాడిన పద్యం విని ఇలా రాయాలి అనిపించింది...ఘంటశాల గారి మధుర స్వరాల గాత్ర లో ఒక చిన్ని ఆణిముత్యం ఇది..ఆయనకు ఇదే నా హృదయ పూర్వక నమఃస్సుమాంజలి

తెనుగు వృద్ధుల్ , తెనుగు వృద్ధ బాంధవులనేకుల్ సూచుచుండ
మదోథ్థురులయి మాతృభాషని మరచిన దుశ్శాసనులన్
లోక భీకర లీలన్ వధియించి తత్ రిపుల వక్షశ్శైల రక్తౌఖనిర్ఝర
సకల జనావళి చూచుచుండ అనినాశ్వాదింతున్ ఉగ్రాకృతిన్

అసలు అన్న గారి రూపం చూడండి ...ప్రపంచంలో మన తెలుగు వారి కన్నా భాగ్యవంతులు ఉన్నారా అనిపించే అత్యంత సుందర సుమనోహర రూప గాంభీర్యం , ఆ గాంభీర్యంలోనే ఎంత లాలసత్వం ...నాకైతే ఆయనని చూస్తేనే హృదయం ఉప్పొంగిపోతుంది..

అంపశయ్య మీద తల్లుల్ని పడుకోబెట్టడమేమిటండి అసహ్యంగా?

2008-06-28T22:57:00.000-07:00

సార్...ఈ విప్లవ సాహిత్యం ఎక్కడినుంచి రాసారు? మీరే రాసారా ? బాగుంది.....అయినా కుటుంబాలు కలిసి ఉండాలి కానీ, విడిపోతే బాగోదేమోనండి..నేను పుట్టి పెరిగిందంతా ఆదిలాబాదు, కానీ నాకెప్పుడూ తెలంగాణా తల్లి కనపడలేదు, అలాగని తెలుగు తల్లీ కనపడలేదు...ఈ తల్లుల కోసం తపస్సులు చెయ్యాలి..

మరి సమరశంఖాలు, రక్తపుటేరుల రహదారులు, కళేభరాలు, విధూషకులు మాట అడగొద్దు...

ఇక అంపశయ్య మీద తల్లుల్ని పడుకోబెట్టడమేమిటండి అసహ్యంగా, అక్షరాలు ఆత్మవిశ్వాసంతో తల ఎత్తుకు తిరగటమేమిటి, పోరాటాలు రక్తంతో పుట్టటమేమిటి ?...అక్షరాలకు ఎందుకు, ఆ ఆత్మవిశ్వాసమేదో మనకుంటే సరిపోతుందిగా ఈ వెధవ రాజకీయ నాయకులను కుళ్ళబొడవటానికి..

ఆ పొట్టి శ్రీరాములు గారు అచ్చ "తెలుగు వారి" కోసం ఆత్మత్యాగం చేశాడండి..."తెలంగాణా" వారికోసం, "ఆంధ్రా" వారి కోసం, "సీమ" వారి కోసం చెయ్యలేదు...సరే అయినా ఇది మీ పుస్తకం, మీ రాతలు...నేను ఏమి చెప్పేది? ...కోపగించుకోకండి, ముక్కు సూటిగా మాట్లాడినందుకు...నా తీరే అంత...

పెరుగు, మజ్జిగ పదార్ధాలు - పద్యం

2008-06-28T20:35:00.000-07:00

కొంత మంది మహానుభావులకి పెరుగు, మజ్జిగ అనే పదార్ధాలు పడవు. వారికొరకు ఒక చిన్న పద్యం రాయాలి అనిపించింది. ఎందుకు రాయాలి అనిపించిందా ? ష్ష్ ష్ష్...మా ఆవిడ కూడా మజ్జిగ, పెరుగు పై యుద్ధం ప్రకటించే వీర నారీమణి. నాకేమో పెరుగు లేకపోతే ఆ పూట భోజనం చేసినట్టు ఉండదు మరి.
సరే ఇక పద్యం లోకి వస్తే

చల్ల కడుపులోన చలువ కలిగించు
వేడి బాధలన్ని వేగిరముగ తగ్గు
రోజు చల్ల వాడితే రోగాలు రావుగా
తెలిసి నడుచుకోవే తెలుగు మగువ

నా పెరుగు బాధలు పడలేక మా ఆవిడ ఒక ఎత్తు వేసింది. ఏమిటి అంటారా ? వివరాలు తదుపరి భాగంలో

చుక్కా కామయ్య - ఒక నిశ్శబ్ద నిశీధి రాత్రి

2008-06-28T11:47:00.000-07:00

ఇది కేవలం నవ్వుకోవటానికి వ్రాసినది అని మనవి

ఒక విద్యావేత్త , చుక్కా కామయ్య - ఒక నిశ్శబ్ద నిశీధి రాత్రిలో ఆకాశంలో చుక్కలు లెక్కెట్టుకుంటూ ఇలా మాట్లాడుకుంటున్నాడు -

ఈ దిక్కుమాలిన ఐ ఐ టీ సంకట స్థితి నాకేల రావలె ?

వచ్చినది పో - ఈ ముసలి వయసులో కృష్ణా రామా అనుకోక నేనేల కట కట పడవలె?

కట కట పడితిని పో - రాజుగారు బాసరలో కాక మెదక్ లో స్థాపించవలె అని నిర్ణయించుకొనవలె?

నిర్ణయించితిరి పో - రాజు గారి నిర్ణయముతో నాకేమి సంబంధము అని ఊరకున్న, ఈ నక్క జిత్తుల బు సీ ఆర్ ఊరకుండునా?

నా ముసలి బుర్రని తొలిచి, వినకపోతే కరిచి నా చేత వెధవ మాటలు మాటలాడించక ఊరకుండునా?

వాడు ఊరుకున్నను ఇతర రాజకీయ పందులు నా మీదెక్కి స్వారీ చెయ్యకుండునా?

చేసినవి పో - వాటిని అదిలించి వెడలకొట్టక తాన తందాన అని ఆ పందుల రాజకీయ పీతి వాసనకు నా ముసలి ముక్కు పుటాలు ఏల సంతోషించవలె ?

సంతోషించినవి పో - ఆ ఆనందములో ఈ ఐ ఐ టీ సాధన చరిత్రాత్మకము అని నేనేల ప్రసంగించవలె?

ప్రసంగించితిని పో - ఆవేశం ఎక్కువ అయి ప్రాణాలు బలి పెట్టి అయినా బాసరలో ఐ ఐ టీ సాదించుకుంటాను అని నా నాలుక ఏల నినదించవలె ?

నినదించినది పో - ఇదే అవకాశము అని అందరూ నన్ను ముందుకు తోసి వినోదము ఏల చూడవలె ?

చూసితిరి పో - ఐ ఐ టీ అంటే ఏమిటో కూడా తెలియని చేనేత కార్మికులని, కుమ్మరులని ఆ బు సీ ఆర్ తీసుకుని వచ్చి నిరసన ప్రదర్శన చేయించవలె ?

నిరసన చేసితిరి పో - పోలీసు వారు వారి నడ్డి ఏల విరగ కొట్టవలె ?

విరగ కొట్టితిరి పో - నన్ను కూడా బొక్కలో తోసి అసలు చుక్కలు చూపిస్తాను అని ఏల బెదిరించవలె?

ఆ పై ఈ కార్మికుల శాపనార్ధాలు వేరొకటియా ?

అయ్యో - నా ఉపాధ్యాయ వృత్తిలో నేను సంతోషంగా ఉండక,అనవసరంగా ఈ ఊబి గుంటలో నేనేల చిక్కుకొనవలె ?

చక్కగా చుక్కలు లెక్కెట్టుకుంటూ చుక్కేసుకుని చక్కగా ముసుగు తన్ని చిత్తగించక ఈ ముసలి వయసులో నాకేల ఈ చింత - ఒరేయ్ బు సీ ఆర్, ఇతర రాజకీయ పందుల్లారా మిమ్ములను ఆ సరస్వతీ దేవి తన వీణతో కుప్పలు తెప్పలుగా తన్నులు తన్ని, బడితె పూజ చేయు గాక.

ఇష్షీ - ఇదేమిటి ఆ చంద్రుడు, నా చుక్కలు మబ్బుల చాటుకు వెళ్ళిపోతున్నాయి? అయ్యో - ఎంతటి ప్రారబ్ధము సంభవించినది...

ఇలాంటి గౌరవనీయమయిన ఉపాధ్యాయ వృత్తి కి కళంకం తెచ్చిన నేను మనుటయా - మరణించుటయా ? ఏదీ ?

అర్ధం పర్ధం లేని జ్ఞానోదయం

2007-11-05T14:57:00.000-08:00

ఈ మధ్య దళిత సాహిత్యం అని, సామాజిక సాహిత్యం అని, పురాతన సాహిత్యం అని, నవీన సాహిత్యం అని, వేదనా సాహిత్యం అని, నా పిండాకూడు సాహిత్యం అని మా సాంబశివరావు గాడు సావగొడుతున్నాడు. అసలు ఆ సోది వాగుడు భరించలేక ఒక రోజు నేను అడిగా వాడిని - ఒరే ఇన్ని రకాల సాహిత్యం అవసరమా అని.దానికి వాడు చెప్పిన సమాధానం ఇది - "ఓరి పిచ్చి వాడా - ఇది కూడా తెలీదురా, నీ....( బూతు మాట వాడాడు) ఎవడికో ఒకడికి ఇంకొకడి మీదో, ఇంకో వర్గం మీదో పీకల దాకా ఉన్న కోపానికి కొన్ని పిచ్చి రాతలు రాసి దానికి ఈ అందమయిన పేర్లు కనుక్కుని మన సాహిత్యాన్ని కుక్కలు చింపిన విస్తరి చేసారు. పాపం నన్నయ్య, పాల్కురికి సోమనాథుడు ఎప్పుడో పుట్టి, మన మొహాన మంచి రచనలు పడేసి పోయారు. వాళ్ళు కనక ఇప్పుడు పుట్టి ఉంటే - హలో లక్ష్మణా, ఈ సాహిత్యాన్ని రక్షించు భగవంతుడా అని హార్ట్ అట్టాక్ వచ్చి పోయేవాళ్ళు" అని మళ్ళీ ఒక అర్ధం పర్ధం లేని జ్ఞానోదయం చేసాడు నాకు.

ఇక వీడితో మాట్లాడటం దండగ అని పోయి పండుకున్నా.

మాయాజాలం రాతల వాతల మాయాజాలం!

2007-11-05T11:59:00.000-08:00

మాయాజాలం రాతల వాతల మాయాజాలం
ఇదేరా మాయలమహమ్మారి బ్లాగ్మాలోకం
ఒకడి రాతలు చూసి ఓర్వలేక ఒర్లే వాడు ఒకడు
ఒకడి రాతలు చూసి వాతలు పెట్టుకునేవాడు ఒకడు
ఒకడి బూతులు చూసి ఆనందించేవాడు ఒకడు
ఒకడి పాటలు చూసి పాతర వేసుకునేవాడు ఒకడు
ఒకడి కవితలు చూసి కక్కుకునేవాడు ఒకడు
ఒకడి పత్రిక చూసి పేట్రేగేవాడు ఒకడు
ఒకడి సలహా నాకెందుకని సర్రున లేచేవాడు ఒకడు
ఇదేరా మాయాజాలం రాతల వాతల మాయాజాలం
ఇదేరా మాయలమహమ్మారి బ్లాగ్మాలోకం

అతిథులు, దిగంబరులు, వ్యాఘ్రము

2007-08-18T21:59:00.000-07:00

అతిథులు, దిగంబరులు, వ్యాఘ్రము - అర్ధాలేవో వింతగా ఉన్నాయి ఇక్కడ...నాకు వ్యాఘ్రము అంటే అర్ధం తెలియదు అనుకోండి ఇప్పటిదాకా...ఏమిటి నవ్వుకుంటున్నారా? మా బాబే...

అతిథులు, దిగంబరులు, వ్యాఘ్రము

ఇలా ఇంకా చాలా ఉన్నాయి ఇక్కడ...కొన్ని రాతల్లో తప్పులు ఉన్నాయి కానీ, వంశీగారికి చెప్పాలి...

ఆంధ్ర భారతి వారి సైటు నిప్పుల నక్కలో గందరగోళంగా ఉన్నది

2007-08-17T10:52:00.000-07:00

ఆంధ్ర భారతి వారి సైటు నిప్పుల నక్కలో గందరగోళంగా ఉన్నది..ఇదే మాట చెపుదామని వారి జాలానికి వెళ్తే అప్పటికే వినయ్ అనే ఒక వ్యక్తి ఆ మాట బరికేసారు..సరె ఎలాగూ వచ్చాము కదా అని నా అవేదన కూడా కక్కి వచ్చా

కెవ్వు ...కెవ్వు ...కెవ్వు...

2007-08-16T13:09:00.000-07:00

కెవ్వు ...కెవ్వు ...కెవ్వు...మళ్ళీ ఒక స్కడ్ వదిలింది "స్నేహ" అమ్మలు మా సాంబి గాడి మీద...బుర్ర బద్దలు బద్దలు ...యమ కాలక్షేపంగా ఉంది నాకు మటుకు...

ఇక్కడ Find x అంటే చక్కగా ఒక గోళం చుట్టింది x మీద...

నెత్తురు చుక్కా? నక్షత్రాలా?

2007-08-14T13:13:00.000-07:00

మా స్నేహితుడు సాంబ గాడి కూతురు స్నేహ మేధాపటిమ...వయసు పది ఏళ్ళు

స్నేహ మేధాపటిమ

నవ్వలేక చచ్చా...సాంబి గాడి మొహంలో నెత్తురు చుక్కా? నక్షత్రాలా?

దర్వాజాల చారిత్రక ప్రాధాన్యమిదీ..

2007-08-13T11:42:00.000-07:00

దర్వాజాల చారిత్రక ప్రాధాన్యమిదీ..

గోల్కొండ కోట చుట్టూ ఉన్న తొమ్మిది దర్వాజాలు వేటికదే ప్రత్యేకతను చాటిచెబుతున్నాయి.

ఫతే(విజయం) దర్వాజా...: కుతుబ్‌షాహీలు శత్రువులపై యుద్ధానికి వెళ్లేపుడు ఈ ద్వారాన్ని ఉపయోగించే వారు. ఈ ద్వారంలోంచి వెళ్లి యుద్ధం చేస్తే తమకు విజయం చేకూరుతుందని వారి నమ్మకం. 1687లో ఔరంగాజేబు ఈ దర్వాజా గుండానే లోనికి ప్రవేశించి అబుల్ హసన్ తానేషాపై విజయం సాధించాడు. అత్యంత దుర్బేధ్యమైన ఈ దర్వాజాను ధ్వంసం చేసేందుకు ఔరంగజేబు ప్రయత్నించి విఫలమయ్యాడు. ఫలితం లేకపోవడంతో కోటలోని ఓ ద్వార పాలకుడికి లంచం ఇచ్చి ద్వారం తెరిపించి, సైన్యంతో లోపలికి ప్రవేశించి కోటను కైవసం చేసుకున్నాడని చరిత్ర చెబుతోంది.

మకాయి దర్వాజా: గోల్కొండకు పశ్చిమ దిశలో ఉంది. నాటి కుతుబ్‌షాహీరాజులు హజ్(మక్కా)యాత్రకు వెళ్లేందుకు ఈ ద్వారాన్ని ఉపయోగించేవారు. అందువల్ల దీనికి మకాయి అనే పేరొచ్చింది. మక్కాయాత్ర తప్ప ఆ ద్వారం గుండా ఎవరూ రాకపోకలు సాగించే వారు కాదు.

బౌద్లి దర్వాజా: కుతుబ్‌షాహీ వంశజుల్లో ఏడో రాజు అబుల్‌హసన్ తానేషా పాలనలో బౌద్లేషా సహబ్ సైనికాధికారిగా ఉండే వాడు. అతని పేరు మీదుగా బౌద్లిదర్వాజా అని పిలుస్తున్నారని తెలుస్తోంది.

మోతీ దర్వాజా: గోల్కొండ కోటలో వ్యాపారం చేసుకునేందుకు వచ్చే వారు వచ్చే ద్వారమిది. ప్రతి శుక్రవారం ఇక్కడ పెద్ద సంత నిర్వహించేవారు. ఇరాన్, టర్కి, తదితర దేశాల నుంచి వచ్చే వ్యాపారులు మోతీ దర్వాజా నుంచి వచ్చి వర్తకం చేసేవారు. అందుకే దీనికి మోతీ(ముత్యం) అన్న పేరు వచ్చింది.

జమాలీ దర్వాజా: కుతుబ్‌షాహీ రాజుల్లో రెండో రాజైన ఇబ్రహీం కులీకుతుబ్‌షా తన భార్య జమాలీ పేరును ఈ దర్వాజాకు పెట్టాడు.

బంజారా దర్వాజా: ఈ ద్వారం గుండా బంజారాలు, ఆదివాసీలు కోటలో పనులు నిర్వహించేందుకు వచ్చేవారు. పండ్లు, కలప తదితరాలు ఈ దర్వాజా గుండా తీసుకువచ్చేవారు.

పటాన్‌చెరు దర్వాజా: పటాన్‌చెరు ద్వారం నుంచి రైతులు తాము పండించిన పంటను కోటలోకి తెసుకువచ్చి, వస్తుమార్పిడి చేయడంతో పాటు వ్యాపారం చేసుకునేవారు. చివరి రాజైన అబుల్‌హసన్ తానీషా తన హయాంలో ఈ దర్వాజాను కారాగారంగా ఉపయోగించాడు.

బహమనీ దర్వాజా: 1363లో గోల్కొండ కోటను బహమనీ సుల్తానులు పాలించేవారు. బహమనీ వంశజుల కాలం నుంచి ఈ దర్వాజాకు బహమనీ దర్వాజా అని పేరొచ్చింది.

బాలాహిస్సార్ దర్వాజా: బాలాహిస్సార్ అంటే ఎత్త్తెన ప్రదేశం. గోల్కొండ కోటకు ఇది భద్రతకు సంబంధించిన దార్వాజా. గట్టి నిఘాతో సైనికులు కాపలా కాసేవారు. శత్రువులు అన్ని దర్వాజాలు దాటి వచ్చినా చివరిదైన ఈ దర్వాజాను దాటకుండా సైన్యం భద్రత కల్పించేది.

ఈనాడు వారి ఆర్టికల్

ఇదేం రాతలు అండి బాబోయి!

2007-08-09T09:34:00.000-07:00

వంశీ గారు - ఇదేం రాతలు అండి బాబోయి.ఎప్పుడో "దడిగా డువానసిరా" అని చదివినట్టు గుర్తు. అది మళ్ళీ గుర్తుకొచ్చింది.

ఇదేం రాతలు అండి బాబోయి!

ఇదే వాక్యం ఇక్కడ చూడండి "యినాచ్చిలొక్కరె కుహఊ ఆ డుప్పుఇ ళ్ళీమ....నుసానేమా నోకదుంఎ...డాకూ నిడివాసేరా ర్లుసా న్నికొ డుప్పున్నచి...దిఇ కఒ నిఅ లియారా లాఇ కునా"

ఏమిటి మార్గం?

2007-08-06T16:24:00.000-07:00

ఏమిటి మార్గం?

ధాతువులు క్షీణించటం, వాతం ప్రకోపించటం.. ఈ రెండూ వృద్ధాప్య వ్యాధులకు మూలం కాబట్టి.. ఈ సమయంలో తిరిగి ధాతువులన్నింటినీ పెంపొందించటానికి చేసే 'రసాయన చికిత్స' కీలకమని ఆయుర్వేదం నిర్దేశిస్తోంది.

అయితే 'చికిత్స' అంటే కేవలం ఔషధాలు తీసుకోవటం మాత్రమే కాదు. మన దినచర్య, ఆహార విహారాలు, మానసిక ప్రవృత్తి వంటివన్నీ కూడా చికిత్స కిందకే వస్తాయి. అందుకే ఈ రసాయన చికిత్స.. ప్రధానంగా నాలుగు రకాలుగా ఉంటుంది.

1 ఆజశ్రిక రసాయనం: ఆజన్మాంతం మనందరం ధాతువులను సంరక్షించుకోవటానికి నిత్యం చేసుకోవాల్సిన చికిత్స ఇది. 'నిత్యం క్షీర ఘృతాభ్యాసీ' అంటుంది ఆయుర్వేదం. అంటే అందరం చిన్నతనం నుంచీ పాలు, నెయ్యి తప్పనిసరిగా తీసుకోవాలి. దీనివల్ల ధాతువులు సక్రమంగా ఉండి, దోషాలు ఎంత ప్రకోపించినా కూడా దాని ప్రభావాన్ని తగ్గిస్తాయి. అలాగే మన దినచర్య, సీజన్లవారీగా అనుసరించాల్సిన రుతుచర్య కూడా చక్కగా ఉండాలి.

2. నైమిత్తిక రసాయనం: ఏదైనా వ్యాధి వచ్చి తగ్గిన తర్వాత.. ఆ వ్యాధినిమిత్తంగా ఏయే ధాతువులు వికృతి చెందాయో వాటిని తిరిగి సరిచేసేందుకు.. చేసే చికిత్స ఇది. వృద్ధాప్యంలో దీని ప్రాముఖ్యం చాలా ఎక్కువ.

3. కామ్య రసాయనం: అవసరానికి తగినట్టుగా దేనినైనా పెంపొందించటానికి చేసే చికిత్స ఇది. ఉదాహరణకు ఆయుర్దాయాన్ని పెంచేందుకు, జ్ఞాపకశక్తిని పెంచేందుకు.. ఇలా రకరకాలుగా అవసరానికి తగినట్టుగా చేసే చికిత్స ఇది.

4. ఆచార రసాయనం: ఒక్కోసారి ఒత్తిడి తదితర పరిణామాల వల్ల మానసిక పరివర్తన రావటం, జ్ఞాపకశక్తి తగ్గటం వంటివి జరుగుతుంటాయి. ఇటువంటివి తలెత్తకుండా ఉండటానికి స్థిర చిత్తంతో ధ్యానం, యోగం, మానసిక వ్యాయామాల వంటివి చాలా అవసరం. ముఖ్యంగా అరిషడ్వర్గాలైన 'కామ క్రోధ లోభ మోహ మద మాత్సర్యాలను' అదుపులో ఉంచుకోవటం, ఎప్పుడూ మంచిని కోరటం, మంచినే ఆలోచించటం, ఇతరులు కనబడితే మనమే ముందుగా పలకరించటం.. ఇలాంటివి ముఖ్యం. ఇవీ చికిత్సలో భాగమే.

ఇలా చక్కటి ఆహారం-వ్యాయామాలతో కూడిన దినచర్య, రుతుచర్య సక్రమంగా పాటిస్తుంటే ఆయుర్దాయం, రోగనిరోధక శక్తి పెరుగుతాయి. ధాతు క్షీణత తక్కువగా ఉంటుంది. అవసరాన్నిబట్టి ఇందుకు అనుగుణమైన ఔషధాలను కూడా తీసుకుంటే మలి వయసులో శరీరంలో వచ్చే మార్పులు, పరిణామాలను, వ్యాధులను ఎదుర్కొనే శక్తి కూడా బలపడుతుంది! మలివయసు ఆహ్లాదకరంగా గడుస్తుంది!!

కీళ్ల నొప్పులు
మన శరీరంలో ఒక్కో ధాతువును ఆశ్రయంగా తీసుకుని ఒక్కో దోషం ఉంటుంది. ఉదాహరణకు వాతం పెరిగితే అస్థి (ఎముకల) ధాతువు క్షీణిస్తుంది, అస్థి ధాతువు క్షీణిస్తే వాతం పెరుగుతుంది. వృద్ధాప్యంలో ఈ రెండూ జరిగే అవకాశం ఉంది కాబట్టి సహజంగానే కీళ్ల నొప్పుల బాధలెక్కువ. దీనికి వాతాన్ని, నొప్పులను హరించే తైలాలు, ఘృతాలు, గుగ్గుల వంటివి బాగా ఉపకరిస్తాయి. ఇందుకు: మహాయోగరాజ గుగ్గులు, త్రయోదశాంగ గుగ్గులు, వీటితో ఫలితం లేకపోతే స్వర్ణఖచిత మహాయోగరాజ గుగ్గుల వంటి రకరకాల గుగ్గులు తీసుకోవచ్చు. ఇవే కాకుండా వైద్యుల సలహాతో రాసనాది క్వాథం (కషాయం), మహారాసనాది క్వాథం, దశమూల క్వాథం, ధాతు పుష్టికి అశ్వగంధ చూర్ణం, అశ్వగంధారిష్టం వంటివి తీసుకోవచ్చు.

మలబద్ధకం
కఫ పిత్తాలు రెండూ కూడా ద్రవధాతువులు. ఒంట్లో ఇవి తగ్గి, వాతం ప్రకోపించినప్పుడు అది నీటిని ఎక్కువగా పీల్చుకుంటుంది, ఫలితంగా మలం గట్టిబడి 'మలబద్ధకం' ఏర్పడుతుంది. ఈ వాతప్రధానమైన మలబద్ధకాన్ని తగ్గించటానికి: రోజూ రాత్రిపూట పడుకునేటప్పుడు కొద్దిగా త్రిఫల చూర్ణాన్ని వేడి నీటితో తీసుకుంటే ఉదయాన్నే సాఫీగా ఒక్క విరేచనమవుతుంది. నిజానికి మలబద్ధకానికి ఆయుర్వేదంలో అపూర్వ ఔషధాలున్నాయి. కోరుకున్నన్ని సార్లు మాత్రమే విరేచనమయ్యేలా చేస్తుంది ఇచ్ఛాభేది రసం. ఇంకా స్వాదిష్ట విరేచన చూర్ణం, పంచ సకార చూర్ణం వంటివీ ఉన్నాయిగానీ వీటిలో లవణాలు ఉంటాయి కాబట్టి బీపీ ఉన్నవాళ్లు వీటిని వాడుకోకూడదు. అందరూ వాడుకోతగ్గది ఉసిరికాయ-కరక్కాయ-తానికాయల సమ్మిశ్రమమైన త్రిఫల! అసిడిటీ ఉన్నవాళ్లు అవిపత్తికర చూర్ణం రోజూ వాడుకుంటే ఆ బాధా తగ్గుతుంది, విరేచనమూ చక్కగా అవుతుంది.

జ్ఞాపక శక్తి
ఆయుర్వేదం ప్రకారం.. సమస్థితిలో ఉన్న కఫం జీవశక్తికి మూలం. వృద్ధాప్యంలో వాతం పెరిగి శరీరంలో కఫ ప్రభావం తగ్గుతుంది. దీంతో బుద్ధికి సంబంధించిన జీవకణాల్లో కూడా శక్తి తగ్గి.. జ్ఞాపకశక్తి సన్నగిల్లటం వంటి బాధలు మొదలవుతాయి. దీన్ని తిరిగి పెంపొందించేందుకు మేధ్య రసాయనాలైన బ్రాహ్మీ ఘృతం, బ్రాహ్మీ లేహ్యం, సారస్వత లేహ్యం, సారస్వతారిష్టం, శంఖపుష్పి, శంఖపుష్పి రసాయనం.. వంటివి బాగా ఉపకరిస్తాయి. 'ఘృతం అగ్నిమేధే కరోతి' అంటుంది ఆయుర్వేదం. అంటే నెయ్యి ఆకలినీ, మేధస్సునూ పెంచుతుంది. కాబట్టి చెంచా బ్రాహ్మీ ఘృతాన్ని వేణ్ణీళ్లలో, వేడి పాలలో వేసుకుని తీసుకోవటం మేలు చేస్తుంది.

దంత సమస్యలు
వృద్ధాప్యంలో దంత సమస్యలు కొంత ఎక్కువే. త్రిఫల చూర్ణాన్ని కొద్దిగా నీటిలో వేసుకుని కషాయం కాచుకుని దాన్ని పుక్కిలిస్తే దంత సమస్యలు అంతగా బాధించవు. ఇరిమేదాది తైలం చిగుళ్లకు రాసుకుంటే చిగుళ్ల వ్యాధులు, రక్తం రావటం వంటి బాధలు తగ్గుతాయి. దంత సమస్యలకు మలబద్ధకం కూడా కొంత వరకూ కారణమవుతుంది కాబట్టి లోపలికి త్రిఫల చూర్ణం తీసుకుంటే మేలు. నిత్యం త్రిఫల చూర్ణంతో దంతధావనం చేస్తే కదిలే దంతాలు క్రమేపీ గట్టిబడే అవకాశం కూడా ఉంటుంది.

నిద్రలేమి
నిద్రలేమి కూడా వాత ప్రధానమైన సమస్యే. దీనికి 'జటామాంసి క్వాధం' బాగా ఉపయోగపడుతుంది. జటామాంసి కొబ్బరి పీచు మాదిరిగా ఉంటుంది. దీన్ని కొద్దిగా నీటిలో వేసి కషాయం కాచుకుని రోజూ ఒక పావు గ్లాసు తీసుకుంటే నిద్ర లేమి సమస్య బాగా తగ్గుతుంది. శంఖపుష్పి సిరప్ కూడా నిద్ర పట్టేలా చేస్తుంది. వీటితో దుష్ప్రభావాలూ ఉండవు. పాలు కూడా నిద్రా జనకమైనవే. రాత్రిపూట గోరువెచ్చటి పాలు తాగి పడుకుంటే నిద్ర బాగా పడుతుంది.

పడిపోవటం
తల తిరగటం, తుళ్లిపడటం, కళ్లు తిరగటం, భ్రమ వంటివి కూడా వృద్ధుల్లో ఎక్కువ. ఇవన్నీ కూడా వాతంలో ఉండే రజోగుణ ప్రధానం వల్ల సంభవిస్తాయి. వీటికి సర్వధాతు పుష్టినిచ్చే.. అశ్వగంధ లేహ్యం, అశ్వగంధ చూర్ణం, ముఖ్యంగా వసంత కుసుమాకరం, చ్యవనప్రాశ లేహ్యం వంటివి తీసుకుంటే కొంత వరకూ ఉపయోగం ఉంటుంది. వైద్యులను సంప్రదిస్తే లక్షణాలను బట్టి ఔషధాన్ని ఎంపిక చేసి ఇస్తారు.

వ్యాధి నిరోధక శక్తి తగ్గటం
ఆయుర్వేదం ప్రకారం రక్షణ వ్యవస్థ అంతా మన శరీరంలో ధాతువులను ఆశ్రయించుకుని ఉంటుంది. కాబట్టి ధాతువులను పెంపొందించటం ద్వారా ఈ వ్యాధినిరోధక శక్తిని పెంచుకోవచ్చు. ఇందుకు: వసంత కుసుమాకరం, అశ్వగంథ చూర్ణం, అశ్వగంధ లేహ్యం, అశ్వగంధారిష్ట, చ్యవనప్రాశ లేహ్యం వంటి సర్వధాతు పుష్టికర రసాయనాలు బాగా ఉపయోగపడతాయి. ఇవన్నీ కూడా రోగనిరోధక శక్తిని పెంచుతాయి. నిత్యం తగు మాత్రంగా పాలూ, నెయ్యీ తీసుకోవటం వల్ల కూడా ధాతు పుష్టి పెరిగి... వ్యాధుల ముప్పు తగ్గుతుంది.

జీర్ణశక్తి
వృద్ధాప్యంలో జీర్ణాశయం కుంచించుకుని.. తీసుకునే అన్నం పరిమాణం తగ్గిపోతుంది, ఆకలీ కొద్దిగా తగ్గుతుంది. కాబట్టి ఆకలి పెరిగేందుకు రోజూ అన్నం తినేటప్పుడు.. మొదటి ముద్దలో కొద్దిగా అల్లం పచ్చడి తింటే మంచిది. అల్లం, ధనియాలు, కొత్తిమీర, తక్కువ మిరపకాయలతో చేసే అల్లం పచ్చడిని రోజూ మొదటి ముద్దలో తింటే ఆకలి పెరుగుతుంది. అలాగే సోంపు లేదా జీలకర్ర కషాయం కాచుకుని తాగితే ఆకలి, జీర్ణశక్తి రెండూ పెరుగుతాయి. జీర్ణశక్తికి జీలకర్ర ఉత్తమం. ఔషధాల్లో ఆకలి పెరిగేందుకు అగ్నితుండి వటి మాత్రలు, భాస్కర లవణం చూర్ణం, హింగ్వష్టక చూర్ణం, శివాక్షార పాచన చూర్ణం ఉపకరిస్తాయి. దాడిమాష్టక చూర్ణం ఆకలి పెంచుతుంది, విరేచనాలు కడుతుంది. జీర్ణశక్తికి జీరకాద్యరిష్టం, ఆకలికి ద్రాక్షాసవం కూడా మంచివే.

ఈనాడు వారి ఆర్టికల్

అంధుడైతేనేం... గానగంధర్వుడు!

2007-08-05T22:06:00.000-07:00

అంధుడైతేనేం... గానగంధర్వుడు!

పిల్లనగ్రోవితో శ్రోతలను కట్టిపడేసే లింగయ్య
30 ఏళ్లుగా ఒకే ప్రదేశంలో...

లింగయ్యపై ఓ రచయిత పుస్తకం 'లే పెన్స్యూర్'

పిల్లనగ్రోవి అతని చేతిలో ఉందంటే చాలు... శ్రావ్యమైన సంగీతం బయటికి వస్తుంది. కొత్తవి, పాతవి ఏపాటలైనా శ్రోతలను కట్టిపడేసేలా వినిపిస్తాడు. రోజూ ఒక్కసారైనా అతని పాట వినకుంటే కొందరు ఆరోజు ఏదో కోల్పోయినట్లు భావిస్తారంటే అతిశయోక్తి కాదేమో!ఇంతటి ప్రతిభ ఉన్న ఈ గాయకుడు ప్రముఖ సంగీత కళాకారుడూ కాదు... సంగీతంలో శిక్షణ తీసుకున్నవాడూ అసలేకాదు. పిల్లనగ్రోవి వాయించడం అలవాటుగా మార్చుకుని యాచకవృత్తిలో బతుకీడుస్తున్న అంధుడు లింగయ్య.

న్యూస్‌టుడే, నల్లకుంట - ఈనాడు సౌజన్యం

పాలమూరు జిల్లా రేవల్లెకి చెందిన ఉల్లెందుల లింగయ్య(70) పుట్టంధుడు. బతుకుబాటలో నగరానికి వలస వచ్చాడు. శంకరమఠం నుంచి న్యూనల్లకుంట వంతెన వైపు వెళ్లే దారిలో ఒకేచోట కూర్చొని 30 ఏళ్లుగా పిల్లనగ్రోవితో మధుర స్వరాల్ని వినిపిస్తున్నాడు. ఐదారేళ్ల వరకూ తల్లే ఆలనాపాలనా చూసేది. ఆమె పోయాక ఎప్పుడూ ఇతనితోపాటే ఉండే మేనమామ బాగోగులు చూస్తున్నాడు. దారిన వెళ్లేవారు ఈయన సంగీతానికి ముగ్ధులై ఇచ్చే చిల్లరపైసలతోనే పొట్టనింపుకొంటాడు. ఆ దారిన పోయేవారికి లింగయ్య సుపరిచితుడే. కాస్తంత తీరిక దొరికితే అక్కడ ఆగి లింగయ్యతో తమకిష్టమైన పాట ఒకటి పాడించుకుని ఆస్వాదించే ఆయన అభిమానులూ ఉండటం విశేషం. లింగయ్య రెండుమూడు రోజులు అక్కడ కనపడకపోతే ఆయన గురించి ఆరా తీసేవారూ ఉన్నారని స్థానికులు చెపుతున్నారు. రోజూ దేవుని సుప్రభాతం వినడం కుదరకపోయినా... ఉదయం ఎనిమిదిన్నర వేళ లింగయ్య పిల్లన గ్రోవితో వినిపించే మధుర సంగీతాన్ని నిత్యం తప్పక ఆస్వాదిస్తామని ఆ ప్రాంతంలో ఉండే వారంటున్నారు.
ఆయనపై ఓ పుస్తకం 'లే పెన్స్యూర్'
ఈ అంధుడి గురించి పూర్తిగా అధ్యయనం చేసిన ఓ సామాన్య వ్యక్తి కందుకూరి రమేష్‌బాబు ఏకంగా లింగయ్యపై ఓ పుస్తకాన్నే రాశాడు. లింగయ్య కేవలం పిల్లనగ్రోవితో సంగీతాన్ని విన్పించడమే కాక మంచి ఆలోచనాపరుడని, అతనిలో ఓ కవీ దాగున్నాడని గ్రహించే తాను 'లే పెన్స్యూర్' పుస్తకం రాశానని రమేష్‌బాబు చెప్పారు.

పుస్తకావిష్కరణ... ఘన సన్మానం
'లే పెన్స్యూర్' పుస్తకాన్ని ఆదివారం లింగయ్య రోజూ కూర్చునేచోటనే ఆవిష్కరించారు.అందులోనూ ఓ ప్రత్యేకత... స్వీపర్ లింగమ్మతో పుస్తకాన్ని ఆవిష్కరింపజేశారు. తర్వాత లింగయ్యను ఘనంగా సన్మానించారు. కొందరు తమకు తోచిన నగదునూ బహూకరించారు.కార్యక్రమానికి నిత్యం ఆయన పాటలు ఆస్వాదించే స్థానికులు, ఆ దారిన వెళ్లేవారు అధిక సంఖ్యలోనే వచ్చారు. మాజీ కార్పొరేటర్ వనం రమేష్ , పాత్రికేయుడు భాస్కరం, సాహిత్య అభిమాని వేదకుమార్, రచయిత నిజాం వెంకటేష్, కవి సిద్ధార్థ, ఆర్కే, చిత్రకారుడు చంద్ర హాజరయ్యారు.

నమ్మితే నమ్మండి లేకపోతే లేదు!

2007-08-03T10:02:00.000-07:00

ఈ దిక్కుమాలిన దేశానికి వచ్చి చాలా రోజులు అయ్యింది. ఎన్నో తెల్లతోళ్ళతొ పనిచెయ్యటం జరిగింది. నా పేరుని మటుకు ఖూనీ చెయ్యని ము.కొ ఒక్కడు కూడా కనపడలేదు ఈ తోలు మందం వెధవల్లో. ఒకడు "ట్యాగా" అని, ఇంకొకడు "టై ఆగా" అని, ఇంకొకడు వెరైటీగా ఉంటుంది అని "టై" అని, నోరు తిరగని బండ నాలికెట్టుకుని, దానికి తోడు ఏడాదికేడాది పళ్ళు కూడా తోమకుండా లిస్టరీన్ తో నోరు పుక్కిలించి దగ్గరికెళితే ఎలకల వాసన కొట్టకుండా అత్తర్లు పూసుకుని, లోపల మన దేశీగాళ్ళని బండ బూతులు తిట్టుకుంటూ పైకి మటుకు "నువ్వు సూపరు, నిన్ను మించినవాడు లేడు ట్యాగా" అనే వాళ్ళెంతమందో మధ్య మెసలటం అయ్యింది.సరే ఇలా ఉందా అని సౌత్ కారోలీనాలో ఉన్నప్పుడు ఒక చిన్న కంపినీలో పని చేసే రోజుల్లో, ఎవరు నా పేరుని ఖూనీ చేసారో వాళ్ళ పేర్లు నేను కూడా ఖూనీ చెయ్యటం మొదలుపెట్టా....చేరిన కొన్ని రోజులకి కాకుండా, అంటే వాళ్ళకి అనుమానం రాకుండా మొదటిరోజునుండే ఈ యుద్ధం మొదలు పెట్టా...

ఇది నిజమయిన సంఘటన - నమ్మితే నమ్మండి లేకపోతే లేదు..

వాళ్ళని ఇలా పిలిచేవాడిని - ఇవి అన్నీ నిజమయిన మనుషుల పేర్లు, నాతో పని చేసిన దరిద్రుల పేర్లు

పాల్ - పవుల్, పాలు
బేలా - బెల్లాహ్
జేమ్స్ - జమెస్
జాన్ - జోహన్
కోలింగ్ - కాల్లింగ్
పీటర్ - పీతర్

ఇలా ఒక ప్రహసనం లాగించా అన్న మాట. ఇది తలచుకున్నప్పుడల్లా నవ్వుకుంటూ ఉంటాను.

ఇక ఆ ఉద్యోగం ఎన్ని రోజులు వెలగబెట్టానో చెప్పాలి అనుకుంటా మీకు..సరిగ్గా నూటా ఎనభై రోజులు.. నా హింసకి తట్టుకోలేక చివరికి నా పేరుని, నన్ను "రాజా" లోకి దించారు...

నడుపీనుగు వచ్చెననుచు

2007-08-01T15:11:00.001-07:00

గడన గల మగని జూచిన
నడుగడుగున మడుగులిడుదు రతివలు ధరలో
గడనుడుగు మగని జూచిన
నడుపీనుగు వచ్చెననుచు నగుదురు సుమతీ!

చీపర బాపర తీగల

2007-08-01T15:08:00.001-07:00

చీపర బాపర తీగల
చపల బుట్టల్లినట్టు చెప్పెడి నీ యీ
కాపు కవిత్వపు కూతలు
బాపన కవివరు చెవికి ప్రమదంబిడునే!

బాచన్నను జూచి పట్టపగల వెరతుర్!

2007-08-01T15:05:00.000-07:00

బూచా? బూచుల లోపల
బాచన్న పెద్దబూచి, పండ్లున్ దానున్;
బూచనిన రాత్రి వెరతురు
బాచన్నను జూచి పట్టపగల వెరతుర్!

జొన్న కలి జొన్న యంబలి

2007-08-01T15:02:00.001-07:00

జొన్న కలి జొన్న యంబలి,
జొన్నన్నము, జొన్న కూడు, జొన్నలె తప్పన్,
సున్నసుమీ సన్నన్నము
పన్నుగ పల్నాటి సీమ ప్రజలందరకున్

నాని నీనాను నీనును నానినాను

2007-08-01T15:01:00.001-07:00

నాని నీనాను నీనును నానినాను
నాన ననును
నిన్నూని నున్ననన్న
నెన్న నున్నను నిన్నెన్న నున్న నాన
నిన్న ననన్న
నున్న నన్నెను నన్ని

కులముల మనముల తాలిమి!

2007-08-01T14:55:00.000-07:00

పలుకుల, నగవుల, నడపుల,
నలుకల, నవలోకనముల నాభీర వధూ
కులముల మనముల తాలిమి
కొలుకులు వదిలించు ఘనుని కొలిచెద మదిలోన్

బూతు లేని లంజ భూతమ్ము కూతురు !

2007-08-01T14:39:00.002-07:00

బూతు లేని లంజ భూతమ్ము కూతురు
ప్రీతి లేని పాటు రాతి చాటు
దాత లేని యూరు దయ్యాల పేటరో
విశ్వదాభిరామ వినుర వేమ!

ఇది ఆరుద్రగారో,ఆత్రేయ గారో ఎవరో రాసారు అని మా సాంబు గాడు చెప్పాడు..నిఝ్ఝం అని కూడా వక్కాణించాడు ...ఈ టపాకి మటుకు వాడిదే బాధ్యత అని నేను కూడా వక్కాణిస్తున్నాను...మీ తిట్లు దీవెనలు వాడికే చెందుతాయని కుడా తెలియచేసుకుంటున్నాను

రవిబింబంబు

2007-08-01T14:39:00.001-07:00

రవిబింబంబుపమింప బాత్రమగు ఛత్రంబై, శిరోరత్నమై,
శ్రవణాలంకతియై,గళాభరణమై, సువర్ణ కయూరమై,
ఛవిమత్కంకణమై, కటిస్థలి నుదంచత్ఘంటయై, నూపుర
ప్రవరంబై, పాదపీఠమై, వటుడు దా బ్రహ్మాండము నిండుచోన్

అడిగెదనని కడువడి

2007-08-01T14:37:00.001-07:00

అడిగెదనని కడువడి జను నడిగిన
తన మగడు నుడువడని నడయుడుగున్
వెడవెడ సిడిముడి తడబడ నడుగిడు
నడుగిడదు నడుమ నడుగిడు నెడలన్

గురువని చెప్పగ లదిది

2007-08-01T14:33:00.000-07:00

గురువని చెప్పగ లదిది
గురుతుగ చెప్పంగ నల గురువని యెుకనిన్
గురి గొని యుండెడు శిష్యుడె
గురువగు కొన్నాళ్ళ పిదప ఘనత వహింపన్

ALWAYS BE ALERT - ఎల్లప్పుడూ సావధానంగా ఉండండి

2007-07-30T13:15:00.000-07:00

యెలో బులో లచ్చుగా, సంబుకిరాకి ముచ్చుగా, కితలా కితలా కిట్టిగా ...ఏమిరా ఈ పోంబారి పిలోకి

ALWAYS BE ALERT - ఎల్లప్పుడూ సావధానంగా ఉండండి

There is a dangerous virus being passed around electronically, orally, and by hand.

మీ దిక్కుమాలిన బుర్రలకి ఒక సూచన

This virus is called Weary-Overload-Recreational-Killer (WORK). If you receive WORK from any of your colleagues, your boss, or anyone else via any means DO NOT TOUCH IT. This virus will wipe out your private Life completely.

మీ మీద పగబట్టి పని భూతం చింత చెట్టు ఎక్కి తిరుగుతోంది...కాబట్టి వినండహో

If you should come into contact with WORK, put your jacket on and take two good friends to the nearest grocery store. Purchase the Antidote known as Work-Isolating-Neutralizer-Extract (WINE) or Bothersome-Employer-Elimination-Rebooter (BEER).

ఆ భూతానికి విరుగుడు ఏమిటా ? జాకెట్టు వేసుకుని పచారి కొట్టుకి వెళ్ళి తాగి చావండి సహోదరులారా

Take the antidote repeatedly until WORK has been completely eliminated from your system.

తాగి తాగి ఆ భూతాన్ని వదలగొట్టండహో

You should forward this warning to 5 friends. If you do not have 5 Friends, you have already been infected and WORK is controlling your life.

నీకు ఒక ఐదుగురు స్నేహితులు కూడా లేకపోతే నీ జీవితం వ్యర్ధమురా...కాబట్టి తెలిసిన వాడికి, తెలియనివాడికి కూడా పంపించి నీ తద్దినం నువ్వు పెట్టుకో

మమకారమా? వికారమా?

2007-07-26T11:10:00.000-07:00

"మ" మీద మమకారం?

మర్యాద మరియు మన్నన మట్టిలో మాణిక్యాలుగా మిగిలిపోయిన,మరపురాని మలిరోజు మురిపాలు మళ్ళీ మళ్ళీ మీ మనస్సుల్లో ముద్రాక్షరాలుగా ముద్రించుకుని మురిసిపొమ్మని, మంద్రస్వరంతో ముద్దొచ్చే ముద్దుగుమ్మ మాట్లాడుతూ ముచ్చిలిగుంటలోని మదనుడి మశకాలు మెల మెల్లగా మలినమై మసకబారుతున్న మీ మోము మీదకెక్కించగా, మరపురాని మల్లియలతో ముప్పిరికొన్న ముఖారవిందాన్ని మచ్చ మీరని మోడ్పుతో ముడుల ముళ్ళ మీద మీటవా?

హలో ..డబ్బు ఎందుకు? ఇందుకు....

2007-07-25T15:20:00.000-07:00

మొన్న సోమవారం మాగంటి.ఆర్గ్ వంశీగారితో మాట్లాడుతూ ఉంటే "డబ్బు" గురించి ఒక చిన్న టాపిక్ వచ్చింది. ఆయన వాదనతో నేను ఏకీభవించకపోయినా ఆయన చెప్పినదానిలో కొన్ని పచ్చి నిజాలు ఉన్నాయి అని అనిపించింది.

నా అభిప్రాయం - ప్రస్తుత కాలంలో డబ్బు లేనిదే జీవితం లేదు అని - కానీ ఆయన మాటలు ఇవిగో

"త్యాగా గారు - చాలా మంది సుఖపడటానికి డబ్బు చాలా అవసరం అనుకుంటారు. దానితో నేను విభేదించట్లా. కానీ అది మానసికమయిన సుఖానికి దారి తీస్తుందా అంటే ఖచ్చితంగా లేదు అనే చెపుతాను.ఎంత డబ్బు ఉండి ఏమి సుఖం అండి.మనిషి మనిషిగా జీవించలేకపోతే, తనకున్న డబ్బుతో సమాజానికి ఉపయోగపడకపోతే అసలు జీవించడం దండగ. ఎక్కడిదాకో ఎందుకు మనకున్న ధనవంతులనే తీసుకోండి - వాళ్ళల్లో ఎంత మంది మన సమాజానికి ఉపయొగపదే పనులు చేస్తున్నారు మీరే చెప్పండి. అదే సమాజానికి సేవ చెయ్యాలి అనే తపన ఉన్నవాళ్ళ దగ్గర ఎంత డబ్బు ఉంది? వారి వద్ద లేకపోయినా వారు సుఖంగా ఉండి, తమ చుట్టుపక్కల ఉన్నవారి కళ్ళల్లో ఆనందాన్ని చూడట్లా?

మన రాజకీయ నాయకులు, బిజినెస్స్ పీపుల్ని తీసుకుంటే - వేల కోట్లు వాళ్ళ వద్ద మూలుగుతున్నా ఇంకా ఏదో సంపాదించాలి, అని వారు పడే తపన చూస్తే నవ్వు వస్తుంది - అదే తపన కొంచెం సమాజం లోని పేద వారికి ఖర్చు పెడితే ఎందరి జీవితాలు బాగుపడతాయో మీరే ఆలోచించండి. మనమేమీ అప్పు చేసి వాళ్ళ కష్టాలు తీర్చక్ఖరలేదు అండి, మనకున్న దానిలో , మనకు చేతనయినంతలో , మన వద్ద డబ్బు ఉంది కాబట్టి సాయం చేయాలి. లేనప్పుడు ఎలాగూ చెయ్యలేము అని కొద్దిమంది అయినా ఆలొచిస్తే మన దేశం, సమాజం ఎప్పుడో బాగుపడేది"

అని ఒక పెద్ద దీర్ఘమయిన లెక్చర్ ఇచ్చాడాయన.

ఆయన చెప్పిన దానిలో కొన్ని నిజాలు ఉన్నాయి కానీ - ఈ కాలంలో ఆయన చెప్పినవి ఆచరణీయ సాధ్యం కాదు అని నా అభిప్రాయం. ఈ సమాజం అనే చట్రంలో ఎన్నో పనికిమాలిన ఊచలు ఉన్నాయి. అవి అన్నీ ఏరి పారెయ్యాలి అంటే, ఆయన చెప్పిన పనులు చేయాలి అంతే మటుకు సాధ్యం కాదు కాబట్టి - ముక్కు మూసుకుని మన డబ్బు మనం సంపాదించుకుని సుఖపడటం మేలని నా అభిప్రాయం. కొంత మందికి కోపం రావొచ్చు - వీడు ఒట్టి డబ్బు మనిషి అని. కానీ ఏం చేస్తాం. నేను ఎదుర్కున్న సంఘటనలు అలాంటివి మరి. కొంత మందికి ఇలానే డబ్బులు ఇచ్చి చేతులు కాల్చుకున్నాను. అప్పటితో సమాజం లేదు - బొచ్చు లేదు. మన మానాన డబ్బులు సంపాదించుకోవటం, సుఖంగా ఉండటం - ఇదీ నా పరిస్తితి. కొంచెం వయసు వచ్చాక మారతానేమో తెలియదు కానీ...ఇప్పటికి మటుకు ఇంతే.

అహో ఏమిది? చిన్న పిల్లల పుస్తకాలు కూడా గురువుతో సమానమా?

2007-07-01T21:52:00.000-07:00

అహో ఏమిది? చిన్న పిల్లల పుస్తకాలు కూడా గురువుతో సమానమా? - సాహో వంశీ గారూ. దానికి మీరు చెప్పిన కారణం కుడా నాకు నచ్చింది.అయినా మీకు ఇతర పత్రికలు చదివి ఓపికగా వాటికి మీ వ్యాసాలు పంపిస్తున్నారు చూడండి, అందుకు మిమ్మల్ని అభినందించాలి. మీకు అంత సమయం ఎక్కడ దొరుకుతోంది అండి బాబూ.అయినా అదేదో మీ గూట్లోనే పెట్టుకోవచ్చుగా?

చిన్న పిల్లల పుస్తకాలు

మహాభారతంలో ఆడ జనాభా!!

2007-06-26T13:30:00.000-07:00

మహాభారతంలో ఇంత మంది మహిళలు ఉన్నారా? బాబోయి,డాక్టర్ శాంతమ్మగారు శోధిస్తే ఆడ జనాభా బానే బయటపడిందే!! వీళ్ళల్లో ముప్పాతిక శాతం మంది పేర్లు మాత్రం తెలుసు. మిగిలిన పాతిక శాతం కోసం ఆ పుస్తకం ఏమిటో కొని చదవాల్సిందే.

మహాభారతంలో ఆడ జనాభా

సల్లాపము, ప్రలాపము, విలాపము, ఉన్మాదము

2007-06-25T12:48:00.001-07:00

సల్లాపము, ప్రలాపము, విలాపము, ఉన్మాదము - ఇలాంటివాటికి అర్ధాలు బోలెడు ఇక్కడ ఉన్నాయి చూడండి

సల్లాపము, ప్రలాపము, విలాపము, ఉన్మాదము

బ్లాగు, కుకీ, వికీ అంటే అసహ్యం!!

2007-06-21T21:18:00.000-07:00

బ్లాగు, కుకీ, వికీ అంటే అసహ్యం

ఈ మాటలు అన్నది నేను కాదు...ఇక్కడ చూడండి ....హహహహ...దిక్కుమాలిన రాతలు దిక్కుమాలిన జనాలు

బ్లాగు, కుకీ, వికీ అంటే అసహ్యం

సుబ్బిగాడు వచ్చాడు

2007-05-13T22:26:00.000-07:00

సుబ్బిగాడు వచ్చాడు
ఎదవ కబురు తెచ్చాడు
ఎవడు వాడు చచ్చాడు
అరుగు మీద నుంచి లేచాడు
ఒకటే పరుగు లంకించాడు

ఘుప్పు మనే ఆ కంపు

2007-05-13T22:24:00.000-07:00

ఘుప్పు మనే ఆ కంపు
ఎవరికి అయింది ఇంపు
వినలేవా ఈ భాషా సొంపు
అసలు అయ్యిందా నీకు ఆకళింపు

హదేనంఢీ ఖవిత్వం - అర్ధం చేసుకోరూ !

2007-05-11T15:30:00.000-07:00

మా సాంబు గాడు కపిత్వంలో - హదేనంఢీ ఖవిత్వం - అర్ధం చేసుకోరూ - కొంచెం వేలెట్టి ఈ మధ్య ఈ హాస్యస్ఫోరకమయిన పద్యం రాసాడు. నచ్చిన వాళ్ళు నవ్వుకోండి. నవ్వ లేని వాళ్ళు మళ్ళీ ఇక్కడకు రాకండి..

పణతీ ఓ పణతీ
కోతి లాంటి ఓ పణతీ
ఎక్కడ పోయిందో ఆ భీతి
తుంగలో తొక్కావా కుటుంబ రీతి
కాలరాసావా సకల నీతి
మరిచిపోయావా మనుషుల మిరుమిత్తి
పంచుకుని పెంచాలనుకున్నా ప్రీతి
రాయలసీమ రాకాసి వయ్యావీ రీతి
పణతీ ఓ పణతీ
కోతి లాంటి ఓ పణతీ

పణతీ ఓ పణతీ
ఎంత వికారమయిన రూపం
రూపానికి నప్పే కోపం
ఏమయ్యిందో పాపం
ఎందుకంత కోపం
తగ్గదా నీ తాపం
వెయ్యనా చాపం
ఎక్కడ ఉంది లోపం
పణతీ ఓ పణతీ
కోతి లాంటి ఓ పణతీ

పెళ్ళి ఏడుపులు - పెళ్ళి వస్తువులు

2007-05-11T13:20:00.000-07:00

పెళ్ళి ఏడుపులు - పెళ్ళి వస్తువులు

ఇది ఇన్ని రోజుల నుండి నా కంట్లో ఎందుకు పడలేదు అబ్బా ? చాలా రోజుల నుండి ఉన్నట్టు లింకును (అక్టోబరు)బట్టి తెలుస్తోంది. ఏదేమయితేనేం రాఘవాచార్యులు గారు కవిత్వాన్ని పిండి ఆరబోశారు, అదర గొట్టారు..

వంశీ గారికి ధన్యవాదాలతో

పెళ్ళి ఏడుపులు - పెళ్ళి వస్తువులు

సణుగుడు మేళమా ?

2007-05-04T13:32:00.000-07:00

వంశీ గారూ అదర గొట్టారు కథ. తరువాతి భాగం కోసం ఆసక్తిగా ఎదురు చూస్తూ.

ఇదే కథ మళ్ళీ ఇక్కడ కూడ చూడవచ్చు

http://groups.google.com/group/telugublog/browse_thread/thread/5cba1e10bbce2931

సణుగుడు మేళమా ?

ఏమేవ్ పార్వతీ! ఎక్కడ ఉన్నావ్! ఇది కొంపా, శనివారం సంతా. ఒక్కటి కూడా కనపడి చావదేమే, ఎక్కడ పెట్టింది అక్కడ ఉంచకుండా ఈ తాడేపూడి తద్దినాలు ఏంటి నాకు..ఇంకోసారి నా వస్తువులు ముట్టుకున్నారో చమడాలు వలిచి పారేస్తాను. దరిద్రమానీ - దరిద్రం.

ఒరే బుజ్జిగా - నిన్ను తగలెయ్య. స్కూలుకు తయారు అవరా అంటే ఆ వెధవ దిక్కుమాలిన టీ.వీ చూస్తూ కూర్చున్నావ్..అసలు హోం వర్క్ చేసి చచ్చావా? ఆ పంతులు గారికి నేనే వచ్చి చెపుతా "వీపు మీద విరివిగా బెత్తంతో బాది పారెయ్యమని". అప్పుడు గానీ బుద్ధి కుదురుకోదు వెధవన్నర వెధవా..ఎన్ని సారులు చెప్పాలిరా నీకు -ఆ వెధవన్నర వెధవ, ఆ సత్రకాయ సుబ్బారావు గాడి కొడుకుని చూసి బుద్ధి నేర్చుకోమని, వాడి లాగా చక్కగా చదువుకుని ఫస్టు రాంకు తెచ్చుకుందామని ఎప్పుడు ఉంటుంది రా నీకు.ఎన్ని సార్లు చెప్పు - ఆ దేభ్యం మొహం వేసుకుని చూడటం తప్పితే ఒక ఉలుకు పలుకూ ఉందా.అసలు నాదీ బుద్ధి తక్కువ, నీతో మాట్లడటం.

ఒసేవ్ - ఎక్కడ తగలడ్డావు? అరగంట అయ్యింది లేచి - కొంచెం కాఫీలు, ఫలహారం నా మొహాన తగలేద్దాము అని ఏమన్నా ఉన్నదా ...అసలు ఏం చేస్తుంటావే ఆ వంట గదిలో అంతంత సేపు. చేసే ఆ దిక్కుమాలిన వంటకి ఆ వడలిపోయిన కూరగాయలతొ, వన్నె తగ్గిన వంట పాత్రలతో మూడు గంటలు ముచ్చట్లు. పైనుంచి తెగ అలసిపోయినట్టు హస్షో హుస్షో అనుకుంటూ బయటికి రావటం. ఖర్మే ఖర్మ.

అహా....అసలు అయినా నాకు మంచి వంట తినే ప్రాప్తం ఉండొద్దూ. ఈ పదార్ధాన్ని ఏమంటారు పార్వతిగారూ.. ఏమిటీ? ఉప్మానా, అబ్బో దస్తావేజులు బొత్తులు బొత్తులుగా ఈ జిగురు పదార్ధంతో అతికించుకోవచ్చు.. అసలు అయినా మీ అమ్మను అనాలి, నా ముద్దుల ఒక్కగానొక్క కూతురు ఎక్కడ అలిసిపోతుందో అని వంట, పెంట నేర్పించకుండా, పెళ్ళి చూపులకి వెళ్ళినప్పుడు - అహా మా అమ్మాయి వంట ముందు నల భీములు పనికి రారు అని డబ్బా కొట్టి ఊదర గొట్టారు. పైగా ఫలహారాలు అయ్యాక ఈ సున్నుండలు మా అమ్మాయి చేసినవే అని ఆ రామావతారం గాడి కొట్లోనుంచి తెచ్చిన సరుకు నా నోట్లో కుక్కి, నాకు నిన్ను తగలేశారు. సరేలే యే జన్మలో యే పాపం చెసుకున్నానో, మంచి వంట తినె ప్రాప్తం లేదు...

"ఒరే పరంధామం - ఎందుకురా అస్తమానూ ఎప్పుడూ అలా ఏదో ఒకటి సణుగుతూ ఉంటావు? నువ్వు ప్రశాంతంగా బతకవు, పక్కల మనుషుల్ని ప్రశాంతంగా బతకనివ్వవు. ఎందుకురా ఇలా తయారు అవుతున్నావు. వయసు వచ్చే కొద్దీ పెడసరం మాటలు ఎక్కువ అవుతున్నాయి నీకు. తగ్గించుకోరా..."

ఊరుకో నాన్నా..నువ్వు బయటపడట్లేదు, నేను బయటపడుతున్నా అంతే తేడా....సరేలే నేను సాయంత్రం వచ్చేటప్పుడు నీకు ఆ దగ్గు మందు తెస్తా. అందాకా ఆ పాలల్లో, మిరియాల పొడి వేస్కుని ఆర ఆరగ తాగుతూ ఉండు. సరే మరి నే వెళ్ళొస్తా.

అవునుగానీ లక్ష్మీ - ఆ శ్యామలరావు వాళ్ళ అబ్బాయి అవేవో సంగీతం పాఠాలు చెప్పడం మొదలెట్టాడుట. ఆ వివరాలు కనుక్కుని చెప్పు నాకు.సాయంత్రం వెళ్ళి శ్యామలరావుతొ మాట్లాడి వస్తా. చేరుదువు కానీ - ఈసారన్నా నాయనమ్మ కోరిక ప్రకారం ఆ సంగీత శిరోమణి పరీక్ష ప్యాసు అయ్యి ఆవిడ మనస్సుకి కొంచెం శాంతి కలిగించవే...

పార్వతీ - తలుపు గడెట్టుకో. అసలే దొంగల భయం ఎక్కువగా ఉంది ఈ మధ్య. ఆ గ్యాసు బండ వాడు వస్తే వాడిని ఆ వసారాలో తగలేసి పొమ్మను. లోపలికి రానివ్వబోకు. ఆ బండ నీ నెత్తి మీద వేసి ఆ వారా నగలు ఎత్తుకుపోగల...జాగ్రత్త....

ఈ వెధవ రామ్మూర్తి పీనుగ ఏమంటాడో ఏమిటో , అరగంట లేటుగా వెళ్తున్నాను ఆఫీసుకి. ఏదో ఒక దిక్కుమాలిన కారణం వెతుక్కుని చావాలి ఇప్పుడు.ఈ ఆఫీసులోకి వీడు మానేజరుగా వచ్చినప్పటినుంచి సంత క్షవరం లాగా అందరి తలలు నున్నగా చెక్కి పారేస్తున్నాడు,అక్షింతల కత్తెరతో వెధవ పీనుగ. సుఖంగా ఒక కాఫీ తాగనివ్వడు, ఒక హస్కు వేసుకోనివ్వడు అదేం రోగమో వీడికి.

సరే ఇవ్వాళ్ళన్నా ఆఫిసుకు వెళ్ళాక ఆ సుబ్బారావు గాడిని డబ్బులు అడగాలి. బట్టబుర్ర వెధవ, ఎప్పుడు చూడు ఈసురో మంటూ ఉంటాడు. తీసుకున్న డబ్బులు ఇవ్వరా అంటే ఆ బుర్ర గోక్కుంటూ, ముక్కులో వేళ్ళు తిప్పుకుంటూ, ఆ పార పళ్ళు బయటపెట్టి "ఇదిగో రేపు ఇచ్చేస్తా అన్నయ్యా, ఈ సారి తప్పకుండా నా మాట నమ్ము" అని ఒక వెర్రి నవ్వు నవ్వుతాడు. ఇవ్వాళ్ళ ఊరుకోకూడదు. సంగతి అటో ఇటో తేల్చి పడెయ్యాలి.

టికెట్...టికెట్...

ఇదిగో బాబూ కోనేరు సెంటరు కి ఒకటి కొట్టు...

ఇదిగో బాబూ కొంచెం తప్పుకుంటావా, నేను దిగాలి....ఓయ్ ఓయ్...ఆగవయ్యా ఇక్కడ జనాలు దిగాలేదు పెట్టాలేదు, బుర్రున తోలిపారెయ్యడమేనా. ఎవడన్నా ఆ చక్రాల కింద పడితే ఏమవును. బుద్ధుందా అసలు నీకు, ఎవడిచ్చాడయ్యా అసలు నీకు లైసెన్సు...

దిగండి మాష్టారు , అనవసరమయిన మాటలు ఎందుకు...రైట్...రైట్

హూన్ ....సరే ఇప్పుడు ఈ మూడు అంతస్థుల మెట్లు ఎక్కాలా ఇప్పుడు. ఈ బస్సుల్లో ప్రయాణం ఏమిటో, ఈ ఆఫీసు గొడవలేమిటో. దిక్కుమాలిన జీవితమాని దిక్కుమాలిన జీవితం.

ఏరా పరంధామం ఏమిటి సంగతి? ఇవ్వాళ్ళ ఆలశ్యంగా వచ్చినట్టున్నావు ఆఫీసుకి...అంతా కుశలమేనా ....

ఆం...కుశలం కాకపోతే, నారాయణ నారాయణ అంటూ నీ పేరు జపిస్తూ మంచంలో తీసుకుంటూ పడి ఉండమన్నావా ఏమిటి? వెధవ ప్రశ్నాని వెధవ ప్రశ్న.. ఆం...అయినా బాధలు ఉంటే మటుకు ఎవడు తీర్చొచ్చాడులే...సరే కానీ ఆ రామ్మూర్తి వచ్చాడా ? చూసావా ?

నిన్ను ఏదన్నా అడగటం తప్పురా పరంధామం, ఉరుము ఉరుమి మంగలం మీద పడ్డట్టు, నా మీద పడతావు ఏమిరా.....ఏదో చిన్ననాటి స్నేహితుడివి కదా అని ఊరుకుంటున్నా...సరే ఇక నుంచి నీ బాధలు చెప్పొద్దు, నీ సుఖాలు నాకు చెప్పొద్దు. ఆ రామ్మూర్తి గాడు ఇవ్వాళ్ళ మధ్యాహ్నం నుంచి వస్తాడుట, ఇందాకే కబురు పెట్టాడు.

హమ్మయ్య...ఒక పీడ విరగడ అయ్యింది - సగం రోజన్నా సంతోషంగా ఉండొచ్చు... సరే కానీ..ఒక విషయం చెప్పు నాకు
సశేషం...

ఎప్పటి పద్యాలు - ఏమా కథ ?

2007-04-30T06:23:00.000-07:00

పిల్లల పద్యాలు బాగున్నవి - ఎప్పుడో చదివినవి కళ్ళ ముందుకు తెచ్చినందుకు ధన్యవాదాలు వంశీగారూ
http://maganti.org/page4.html

ఈ పుటలో చిట్టి పొట్టి పద్యాలు - కథలు కింద ఉన్న "పద్యావళి" మీట నొక్కండి

నాగరికత లేని ప్రజ!

2007-04-26T13:41:00.000-07:00

నాగరికత లేని ప్రజ
సిగరెట్ చవి చూడకుండ
సిగరెట్ పొగరెట్
సిగ సిగరెట్
పొగ పొగరెట్
సిగరెట్ పొగరెట్టంట
చెల్లదు - హహ "స్యూర్లీ"

ధూమపానం విషయంలో మన వారు యధాశక్తి పని చేస్తున్నారు అని చెబుతూ ఒక పురాతన కవి సాహిత్యంలో చదివినది గుర్తుకు వచ్చి ఇక్కడ రాసా..

హహహ గుర్రం చచ్చిందిట...

2007-04-24T20:17:00.000-07:00

హహహ గుర్రం చచ్చిందిట...

http://maganti.org/MarPDFdoc/gurram.pdf

మాగంటి వారూ ఇదెక్కడి పాటండి బాబూ......

కూరగాయలు - తల్లితండ్రుల భయం

2007-04-23T14:48:00.000-07:00

కుటుంబం లోని కొన్ని కూరగాయలు

కొడుకు అనేవాడు కీరాకాయా వంటివాడు. వాడిని చక్కగా తరుక్కుని సాంబారులోకి వెసుకోవచ్చు, ఉప్పు కారం లేకుందా కొరుక్కు తినేయ్యవచ్చు, ఉప్పు లో నంచుకుని తినేయొచ్చు.ఇలా ఏవన్నా చేయవచ్చు. ఆ కీరాకాయని ఎలా వాడుకోవడానికి మలచాలో అది తండ్రి బాధ్యత

ఇక కూతురు విషయానికి వస్తే - ఆవిడని వంకాయతో పోల్చవచ్చు. ఆవిదని ఊరికే కీరా కాయలాగా తినెయ్యలేము. ఆవిదకి సోగ్గా సొకులద్ది అంటే - ధనియాల పొడి, కరివేపాకు పొడి ఇలాంటివి అద్దితే యమా రుచిగా ఉంటుంది. ఇక ఈ సొబగులన్నీ అద్దాక వేరే కూరల గురించి పట్టించుకోనక్కరలేదు. ఎందుకంటే ఆ వంకాయ రుచే వేరు మరి. కీర కాయ ఎందుకూ పనికి రాదు ఈ వంకాయ ముందు.

ఇక కోడలి విషయానికి వస్తే కాకరకాయతో పోల్చవచ్చు. ఈవిడ చేదు పోగొట్టటానికి ఎన్ని రకాల ప్రయత్నాలు చేసినా, చేదు చేదే. కాకపోతే చేదు రుచి చేదుదే. కానీ ఈ చేదుకి అలవాటు పడిన కీరాకాయ కూడా కొద్దికాలం తరువాత కాకర కాయ లాగా అవుతాడేమో అని ప్రతి తల్లితండ్రుల భయం - మరి దీనికి సమాధానం ఎవరు చెపుతారు ?

UPDATE TO POST:

ఈ టపా ఎవరో కే బీ గోపాలం గారి టాపాతో కలుస్తోంది అని కూడలి మిత్రులు చెప్పగా విన్నాను. ఒక వేళా జనాలు అపార్ధం చేస్కుంటారేమో...ఇది మా ఆఫీసులో డి.సాంబమూర్తి చెప్పగా విని రాసిన టపా...రేపు సాంబమూర్తిని అడిగి ఇది నిజంగా కే బీ గోపాలం గారి దానిలోనుంచి చెప్పాడేమో పట్టుకుని , ఒక వేళ అలా మటుకు అయ్యి ఉంటే - ఈ టపా మూర్తిగారికి అంకితం అని కాకుండా కే బీ గోపాలం గారి సౌజన్యంతో అని పెట్టవలసి వస్తుంది...అప్పటిదాకా...ఓపిక పట్టండి జనాలూ...అది మటుకు నిజమయితే గోపాలం గారికి 'సారీలతో" ...ఒక వేళ గోపాలం గారికి , అభ్యంతరం ఉంటే ఈ టపా తొలగించబడుతుంది..

సప్తద్వీపాల గురించి విశేషమయిన వివరణ

2007-04-21T07:41:00.000-07:00

సప్తద్వీపాల గురించి విశేషమయిన వివరణ అందించిన మాగంటి వారికి ధన్యవాదాలు

www.maganti.org/page4.html

ఈ పుటలో ప్రకృతి, దేశ సంబంధ విషయములు క్రింద ఉన్న ఈ మీటలు నొక్కి చూడండి

జంబూ ద్వీపం (మేరు పర్వత)
ప్లక్ష ద్వీపం
శాల్మలి ద్వీపం
కుశ ద్వీపం
క్రౌంచ ద్వీపం
శాక ద్వీపం
పుష్కర ద్వీపం

విశేషమయిన వివరణ

తెలుగు నుడికారాలు??

2007-04-09T21:32:00.000-07:00

సామాన్యంగా విడివిడిగా పొడిమాటలుగా ఉన్నవే అపూర్వసమ్మేళనంతో - ఆ మాటలకు విడివిడిగా వేనికీ లేని ఏదో ఒక అపూర్వభావవ్యక్తీకరణకు మూలాలై - విశిష్ట పదబంధాలుగా మన అజరామర తెలుగు భాషలో నిలిచిపోతున్న పదాలనే నుడికారాలు, పలుకుబడులు, జాతీయములు అని పేర్కొంటూ ఉంటాము. ఇవే కవితాలతాంకుర ప్రథమాలవాలాలని పెద్దలు చెపుతారు.

ఉదాహరణకి "కళ్ళలో కారం పోసుకోవటం" అన్న పలుకుబడిని తీసుకుంటే ఇందులో మూడు రకాల పదాలు ఉన్నాయి. కళ్ళు, కారం, పోసుకోవటం.ఈ పై వాక్యాన్ని అచ్చు అలాగే మరొక భాషలో యే పదానికి ఆ పదానికి ఉన్న అర్ధమూ, వాక్యంలో కారకం అవీ చూసి వ్యాకరణ యుక్తంగా అర్ధం చెప్పి, అలాగే అనువదిస్తే ఆ నిర్దిష్టమయిన భావం చస్తే రాదు. అందుకనే దీన్ని నుడికారము అంటారు. తెలుగులో ఉన్న నుడులలో ఏదో హాయిని గొలిపే విశిష్టపదబంధ వైచిత్రి ఉంది. అదండీ మన భాష గొప్పతనం

దేవాదాయం కాదు దేవదాయ....

2007-04-09T16:28:00.000-07:00

దేవాదాయం కాదు దేవదాయ - ఉదాహరణకి దేవాదాయ శాఖ కాదు - అది దేవదాయ శాఖ అని రాళ్ళబండి కవితా ప్రసాద వారి మరో వ్యాఖ్యానం - భద్రాద్రి రామయ్య కళ్యాణం సందర్భంగా.

అదే విధంగా కల్యాణం కాదు - కళ్యాణమే సరి అయిన పదం అని మరో వివరణ.

భాషా దోషాలే వీరతాళ్ళుగా వెలుగుతున్న రోజుల్లో ఇలాంటి కనువిప్పు కలిగించే మాటలు అందరికీ అవసరం అని నా అభిప్రాయం.

రాత కోతల్లో ఒకో సారి భాషాదోషాలు దొర్లవచ్చు, కానీ అవే సరి అయినవి అని మనసులో అభిప్రాయం ఏర్పరుచుకొని, ఇతరులు చెప్పేదేమిటి మనకు అని కొంత మంది వ్యవహరించడం ఈ మధ్య నేను గమనించడం జరిగింది. అందువల్ల ఈ రాతలు రాయవలసి వస్తోంది.

దేవాంగుల హాస్య వేషం - ఏకపాత్రాభినయం

2007-04-08T22:20:00.000-07:00

దేవాంగుల వేషం - ఏకపాత్రాభినయం

సాధారణంగా మనం ఏదన్నా జానపదులు వేసే నాటకాలు చూడటానికి వెళ్ళి ఇంటికి వచ్చాక ఆ నాటకాల్లోని హాస్య పాత్రధారులని తలుచుకుని నవ్వుకునే సన్నివేశాలు చాలా ఉంటాయి. అందులో మనసుకి హత్తుకుని పోయే వారి మాటలు, వారి వాక్ప్రవాహ మహిమ, అసాధారణ చాతుర్యం, నటన, హావభావాలు ఇలా ఎన్నో మన మనసు మూలల్లో దాక్కుని, అప్పుడప్పుడూ బయటికి వచ్చి మనలని హాయిగా నవ్వుకోమని ఆ పూటకి హాస్యభోజనం వడ్డించి వెళ్ళిపోతూ ఉంటాయి.అలా నా మనసుకి బాగా నచ్చిన హాస్య పాత్రధారి వేషాల్లో దేవాంగుల వేషం ఒకటి. ఈ వేషం సాధారణంగా గోదావరి జిల్లాల్లో ప్రదర్శించబడే జానపద నాటకాలలో విశేషంగా కనపడుతూ ఉంటుంది. మా బంధువులు గోదావరి జిల్లాలోని మండపేటలో ఉండేవాళ్ళు. అలా నేను ఎప్పుడన్నా సెలవలకి మండపేట వెళుతూ ఉండేవాడిని. అలా వెళ్ళినప్పుడు చూసిన జానపద నాటకాలలో ఈ దేవాంగుల హాస్య వేషం నాకు బాగా నచ్చిన వాటిలో ఒకటి.

తలకి రుమాలు చుట్టుకుని, ముఖాన పెద్ద పెద్ద వీభూతి రేఖలు ధరించి, భుజాన చిన్న బట్టల మూట, ఒక చేతిలో బారెడు పొడవున్న ఒక చెక్క బద్ద పట్టుకుని వచ్చి తన వృత్తి గురించి, తన వివరాల గురించి నానా రకాలుగా అభినయిస్తూ ఏకధాటిగా గుక్క తిప్పుకోకుండా మాట్లాడే వేషధారి ఈ దేవాంగి వేషధారి.

నాకు గుర్తు ఉన్నంత మటుకు అతని హావభావాలు , మాటల్లో కొన్ని ఈ మధ్య గోదావరి జిల్లా జానపదకళారూపాలు అనే పుస్తకం చదువుతుంటే అందులో కనపడ్డాయి. భలే సంతోషం వేసింది - మళ్ళీ నా జ్ఞాపకాల దొంతరల తుట్టెను కదిల్చి మధురమయిన ఆనందం కలిగించింది ఆ పుస్తకం.

అందులో కొన్ని మాటలు - రచయిత గారి అనుమతి తీసుకోకుండా ఇక్కడ ప్రచురిస్తున్నాను. అందుకు వారు క్షమిస్తారు అని ఆశిస్తూ - అభ్యంతరం ఉంటే తెలియచెయ్యమని కోరుకుంటూ - ఇక చదువుకోండి

ముందే జెపుతున్నాండి ఇది ద్వందార్ధాల సంభాషణండి - మీకు అలాంటివి నచ్చకపోతే చక్కగ ఇక్కడి నుంచి వెళ్ళిపోయి తొంగోండి , అంతే కానీ దిక్కుమాలిని తిరుగు రాతలు(కామెంట్లు) రాయొద్దు అని మనవండి.ఇది నా స్వంత రాతలు కావని - పుస్తకములో అచ్చు వేసిన ముద్రాక్షరాలు అని మనవండి..

"పెరిగింది పెద్దాపురవండి, ఉనికి ఉప్పాడండి - కాపరం దోనేపూడి అండి. ఇక నా పనితనం చెప్పమంటారాండి? ఓసారి సొంతంగా నేనే నేసేనండి కాశ్మీరు శాలువా. కాకినాడ పట్టుకెళ్ళేనండి - క్ళ్ళు జిగేల్మని సూడలేకపోయారండి. ఏలూరు పట్టుకెళ్ళానండి - ఇలువు లేదన్నారండి. అంటే అది నాసి రకం అని కాదు సుమండీ - దాని పనితనానికి ఖరీదు కట్టలేవని. నా ఎదురు నేతలో ఉందండి నా మజాకా. గుంటకాడకూకుంటే బట్టయ్యేదాకా లెగనండి. ఇప్పుడు సీమపోగునూలొచ్చిందగ్గరనుంచీ పలక మీద దట్టింపు పోయిందండి. అందుకని బాబయ్యా! మాయింట గొయ్యి మాతమ్ముడికొప్పజెప్పేసి ఊళ్లమీదికి లంకించుకున్నానండి బట్టలేపారానికి. బాబయ్యా! మాయింటి గొయ్యంటే ఏదన్నా అనుకునేరు - మగ్గం గొయ్యండి . ఇలా ఊళ్లమీద పడి లంకించుకుంటుంటే పంచిల్లో మాలావుగా వొచ్చిందండి. ఆ పంచిల్లో వొచ్చింది చీరల్లో దూరిందండి.దాన్ని కూడదీసుకోడానికి మళ్ళీ జాకెట్టుల్లో లాగాల్సోచ్చిందండి.

ఈ బట్టలమ్మకాల్లో ఓరోజు బిక్కోల్లోపొద్దోయిందండి. ఉండిపోదావా అనుకున్నానండి - నాకక్కడో కాతా ఉందిలెండి. చీరలు జాకెట్లూ నేనే యిత్తానండి ఆరికి వతనగా. తీరా ఎల్తే ఆవిడ ఆళ్ళ బావగారొచ్చారు కాళీలేదందండి. ఆవిడిది ఒక్కటే గదండి. మరింకేం జెయ్యును? అర్ధరాత్రి బయల్దేరి పెద్దకత్తి మొల్లో దోపుకుని దోనేపూడి బయల్దేరానండి యింటికి.

అసలే అది అర్ధరాత్రి, చూస్తే దొంగలరోడ్డు.ఆ పైన సిమ్మసీకటి. అనపర్తి దాటాక ఒక దొంగ తలకి తెల్లటి గుడ్డ సుట్టుకునిదారిపక్కన కాసుక్కూసున్నాడండి ఎవడొత్తాడా అని - అప్పుడేంజేసేనంటే బట్టలమూటపక్కనెట్టి ఎనకమాలుగా ఎల్లి కత్తితో తలమీదొక్క ఏటేశానండి. దెబ్బకి రెండు ముక్కలయ్యిందండి. ఏవిటీ? కత్తి!. కత్తి రెండుముక్కలవ్వడేమిటనుకుంటున్నారా? అది మనిషయితేగా! మైలు రాయండి. అదండీ నా బట్ట ల యాపరం కతా కమామీషు.

ఇంకో ఇషయమండి. దేవతలకి మేము అంగోత్రమిచ్చావండి. అందుకే మమ్మల్ని దేవాంగులన్నారండి. మా కులం భలే కులవండి. కొంచెం ఈ మద్దే మెతకతనం వచ్చిందనుకోండి. మొగోళ్ళేమో తాగుబోతులయిపోతున్నారండి - ఆడోళ్ళేమో బాబయ్యా ఏరు పిడకలకెళ్ళి ఎత్తి పెట్టించుకున్నారండి - మరేం లేదు బాబయ్యా తట్ట నెత్తిమీదికండి"

ఇలా ద్వందార్ధాలు వచ్చేలా మాట్లాడుతూ ఉంటే జనం పగలబడి నవ్వుతూ ఉండేవారు. అదండీ సంగతి.

సీతమ్మ చింతాకు పతకము

2007-03-31T21:31:00.000-07:00

భద్రాద్రి రామయ్య కళ్యాణం - తెలుగు వన్లో వీక్షిస్తున్నప్పుడు నాకు తెలియని చాల సంగతులు రాళ్ళబండి వారి వ్యాఖ్యానంలో తెలిసినాయి.

మొదటిది - "సీతమ్మ వారికి చింతాకు పతకము" అని మనం సాధారణంగా అనుకుంటాము కదా. కానీ అది చింతాక పతకము అట. ఆక అంటే తొలగించేది అని అర్ధం అట. చింతాక - చింతను తొలగించేది అని పూర్తి అర్ధం అన్న మాట.

ఇంకా కొన్ని తరువాతి టపాలో

రాళ్ళబండి వారికి ధన్యవాదాలు

వితండ వాదములు - చమత్కారాలు

2007-03-27T14:55:00.000-07:00

వితండ వాదములు - చమత్కారాలు

నాకు ఊహ తెలిసినప్పటినుంచి జరిగిన వాదవివాదాలు,వాటిలో చమత్కారాలు, చెణుకులు గురించి వ్రాద్దాము అని ఒక చిన్ని ఊహ మొదలు అయ్యి ఈ రూపాన్ని సంతరించుకుంది. ఇందులో ఎవరినీ కించపరిచే ఉద్దేశ్యం లేదు. కొంతమందికి ఇవి హాస్యంగా ఉండవచ్చు, మరి కొంతమందికి కోపం తెప్పించవచ్చు , కాని మనసులో ఉన్నది బయటికి తీసుకువచ్చే ప్రయత్నం మొదలుపెట్టాను. ఎవరి మనసు అయినా నొప్పిస్తే క్షమించండి.

ఈ వాద వివాదాలు అనేవి కుటుంబ సభ్యులతొ కానివ్వండి, స్నేహితులతో కానివ్వండి, ఇతరులతో కానివ్వండి -
వితండవాదం అనే రూపు ఎప్పుదు సంతరించుకుంటాయి ? ప్రతిపక్షాన్ని వెక్కిరించడము లేదా హేళణ చెయ్యడం అనేది ప్రధానోద్దేశ్యంగా పెట్టుకుంటే అప్పుడు దాన్ని వితండ వాదం అంటాం.

అసలు వాదాలు ఎందుకు వస్తాయి ? ఒక సంభాషణ మొదలు అయినప్పుడు వాదప్రతివాదాలు సహజంగా ఉంటవి -రైలులో ప్రయాణం చేసేటప్పుడు కానివ్వండి , క్లబ్బులలో సమావేశమయినప్పుడు కానివ్వండి మరి ఎక్కడ అయినా కానివ్వండి మనం తోటి వారితో సంభాషణ చేయవలసిన అవసరం కలుగుతూ ఉంటుంది. ఆ సందర్భాలలో ఏదో ఒక చర్చలోకి దిగడమూ జరుగుతుంది, అది సహజం. అసలు ఆ చర్చ ఎలా జరుగుతోందో చూస్తే - "హయ్యో!! వీళ్ళు అనవసరంగా వాగ్యుద్ధంలోకి దిగారే - అసలు దోషము ఈ విధంగా మాట్లాడడంలో ఉన్నది. అది వీళ్ళకి తెలిస్తే బాగుండు" అని అనిపిస్తూ ఉంటుంది.

బయటే కాకుండా ఇంట్లో ఆడవాళ్ళు కూడ మనతో వాదిస్తున్నప్పుడు , ఆ వాదన ఒక్కొక్కప్పుడు అసమంజసంగా, అసంబద్ధంగా ఉంటూ ఉండడం మనమందరం ఎప్పుడో ఒకప్పుడు చూసినవాళ్ళమే. అలాగని మన మగవాళ్ళు ఏదో పెద్ద గొప్ప అని కాదు. మనల్ని మనం విమర్శించుకోగలిగితే మనం ఆడవాళ్ళని ఎన్నోసార్లు డబాయిస్తూ ఉన్నట్లు తెలుస్తుంది. మొత్తం మీద అందరం తెలిసి ఒకప్పుడు, తెలియక ఒకప్పుడు మొండిగా వాదిస్తూ ఉంటాము. అదీ సంగతి. కాని ఈ వాదాలు నడిచే నడకలు ఉంటాయి చూడండి, అవి బహు ఆనందంగా ఉంటాయి. వాదం చేసేటప్పుడు ఇవి అన్నీ గుర్తుకు రావు..తర్వాత ఎప్పుడు అన్నా తీరిగా కూర్చుని ఆలోచిస్తూ ఉంటే , ఆహా - ఓహో అని నవ్వు కలుగుతూ ఉంటుంది.

ఏవండీ..రెండు కాళ్ళమీద నడిస్తే వింత, వైపరీత్యం ఏముంది ? తలకిందులుగా నడిస్తేనే నవ్వు వస్తుంది..ఈ వాదాల సంగతీ అంతే.

సరే ఇక ఉపోద్ఘాతం ఆపి నా వాదవివాదాల ఆలోచనలకి, జ్ఞాపకాలకి రూపం ఇవ్వటం మొదలు పెడతాను.
నాకుగా బాగా గుర్తు ఉండి బాగ నవ్వు తెప్పించేవి మొట్టమొదటిగా మా మేనమామ కృష్ణ శర్మ గారు మాతో కాని, అమ్మమ్మగారింటికి వచ్చే వారితో కాని చేసే సంభాషణలు. ఆయన భలే సంభాషణా చతురుడు...ఆ మాటకొస్తే మా మేనమామలు అందరూ అద్భుతమయిన సంభాషణా చాతుర్యం కలవారు. అసలు వారితో కూర్చుంటే కాలం తెలీదు అని చెప్పొచ్చు. సరే ఇక శర్మ గారి వద్దకి వస్తే, అసలు ఆయన్ని సంభాషణలో ఓడించటం చాలా కష్టం, కాని ఆయన మొదలుగా తన వాదం ఎప్పుడు అన్నా జారిపోతోంది అని తోచినప్పుడు - ఏదో ఒక శాస్త్రంలోనుంచి ఒక శ్లోకాన్ని ఉదహరించి "శాస్త్రం అలాగ ఉందండి. నీవు చెపితే ఏం లాభం, ధర్మశాస్త్రాన్ని కాదనలేవు కదా ! కాబట్టి ఇక మాట్లాడక ఊరుకో, నీ వాదన నిలువదు" అని డబాయిస్తూ - ఎదుటివాడి వంక చూసే చూపులోనే ' ఇంతమాత్రము తెలియదా. హయ్యో , ఎంత అజ్ఞానంలో ఉన్నావు" అన్న భావన ఉట్టిపడుతూ ఉండి ఆ చూపు తీక్షణతకే ఎదుటివాడి ఉక్కు అణిగిపోYఎవిధంగా ఉంటుంది. ఆ చూపులకు తోడు తిరస్కారభావసూచకమయిన చిరునవ్వు, దానికి తగ్గట్టుగా హస్త విన్యాసములు కూడా ఉండి, ఇంక మనం ఆ సంభాషణకి సెలవు పలుకుతాము అన్న మాట. ఈ రకమయిన ఆయన విన్యాసాలు వాదాలకు మాత్రమే పరిమితం. అలాగని ఆయన ఎప్పుడూ దబాయిస్తూ ఉంటారు అని కాదు. చాలా చాల చాలా మంచి మనసున్న వ్యక్తి. అడిగినవాళ్ళకి అదీ ఇదీ అని లేకుండా ఏది కావాలి అన్నా చేసిపెడతారు.

ఆయన సంభాషణా చాతుర్యానికి ఒక్క చిన్న ఉదాహరణ - నాకు బాగా గుర్తు ఉన్న సంభాషణ ఇది - మా ఊర్లో ఒకాయన , పేరు ఎందుకులెండి మా మావయ్యగారితో "శాకాహారం మంచిదా ? మాంసాహారం మంచిదా" అనే విషయం మీద సంభాషణ మొదలు పెట్టి తన వాదనే నిలవాలి అనే పట్టుదలకి వచ్చి వితండ వాదం మొదలు పెట్టాడు. చెప్పాను కదా మా మావయ్యగారికి అలాంటివి పడవు అని..అప్పుడు చివరగా ఒక్కటే మాట , తన హస్తవిన్యాసం చూపుతూ తిరస్కార భావ చిరునవ్వుతో అన్నారు - " ఏమిటయ్యా నువ్వు అనడము ? శాకాహారం మాని మాంసాహారం తినమంటావా ? ప్రకృతి లో తోడేళ్ళు, నక్కలు మొదలయినవి మాంసం తినే ప్రాణులు. అచ్చంగా మాంసాహారం తింటే మనంకూడా నక్కల్లాగా తయారు అవుతాము. కాకపోతే తోడేళ్ళతో సమానము అవుతాము, చెప్పు నీకు తోడేలు లాగ ,నక్క లాగా బ్రతకాలి అని ఉంటే మాకేం అభ్యంతరం లేదు" అని - దాంతో అందరూ గొల్లున నవ్వారు , పాపం ఆయన గాలి తీసేసినట్టు అయిపోయి శర్మగారు క్షమించండి అని చక్కా పోయాడు.

ఇంకొక చెణుకు మా మావయ్యగారి సంభాషణనుంచి - మా పిన్ని కొడుకు శేషగిరి ఒకరోజు ఎందుకో ఏదో మాటల్లో ఇంగ్లీషు వారు కూడా ఆర్యజాతివారు అని అన్నాడు. ఇక మా మావయ్యగారు అందుకున్నారు ఇలా " ఏరా శేషయ్యా..ఇంగ్లీషు వాళ్ళు, ఆర్యులు ఒక జాతి వారా !! అంటే ఈ పరాసువాళ్ళు, బుడతకీచులు వీళ్ళు అంతా ఆర్యులే అన్న మాట. భలే సంగతి చెప్పావురా !! (ఇక్కడ హస్తవిన్యాస ప్రయోగం మొదలు అయ్యింది!!) అంటే రుష్యశ్రుంగుడు, రోశయ్యా ఒకటే ! అదేగా నీవు అనడము ? ఇంత ఎందుకు - అగస్త్యమహా ౠషి , మన ఆర్ముగంశెట్టి ఒకటేనంటావు..బాగుందిరా అబ్బాయి..నీ వాదము బాగుంది" అని ఎడా పెడా హాస్యాస్పద ధోరణిలో మాట్లాడుతూ ఉంటే మా శేషగిరి నిరుత్తరుడయి నిలబడి ' మావయ్యా నీకో దణ్ణం నన్ను వదిలిపెట్టు" అని పోయాడు..

ఇలాంటివి చాలా ఉన్నాయి..నెమ్మదిగా ఒకటొకటి త్వరలో ...

నోరు వెళ్ళబెట్టుకుని !!!

2007-03-26T15:26:00.000-07:00

మా ఊర్లో రాం నివాస్ శాస్త్రి అని ఒక తెలుగు పండితుడు ఉండేవారు. ఆయన ప్రభుత్వ పాఠశాలలో పని చేసేవాడు.పిల్లలకి పాఠాలు సరిగ్గా చెప్పట్లేదు అని పెద్దలంతా ఒక రోజు కలిసి పాఠశాల ప్రధానోపాధ్యాయుడికి చెపితే ఆయన ఏమన్నాడో తెలుసా ?

"ఏవండీ విద్యార్ధికి ఆసక్తి ఉంటే వాడు కష్టపడి స్వయంగా పుస్తకాలు చదువుకుని అర్ధం చేసుకుని పరీక్షలో ఉత్తీర్ణుడు అవుతాడు అండి. ఉపాధ్యాయుడు చెప్పవలసిన పని లేదు. ఇక విద్యార్ధికి ఆసక్తి లేకపోతే ఉపాధ్యాయుడు చెప్పినా వాళ్ళ బుర్రకి ఎక్కదు. ఇక మీరే చెప్పండి - నేను ఇంకా పాఠాలు చెప్పాలా?"

ప్రధానోపాధ్యాయుడితో సహా అందరూ నోరు వెళ్ళబెట్టుకుని చూశారట

ఈ మాట ఇప్పటికీ మా ఊర్లో చెప్పుకుంటూ ఉంటారు.

దెయ్యాలు వేదాలు వల్లిస్తే ?

2007-03-26T13:30:00.000-07:00

దెయ్యాలు వేదాలు వల్లిస్తే ? ఫాక్షనిజానికి స్వస్తి చెప్పండి అని ఒక ప్రముఖ ఫాక్షనిస్టు చెప్పటం ముదావహమయిన విషయం అని అందరు అనుకుంటున్నారు, నవ్వుకుంటున్నారు.నవ్వితే నాకేటి సిగ్గు అని దులుపుకుని పోయేవారు, స్వతహాగా మనమే ఒక పెద్ద పెంటకుప్ప - రాయి వేసినవాడి శరీరానికి సు(దు)ర్గంధం పామి ఆనందిస్తాము అని అనుకునే దిక్కుమాలిన రాజకీయ నాయకులు ఉన్నంతకాలం - పేర్లు ఎందుకు లెండి కానీ , ఇది సరదా కోసం రాసినది అని మనవి. ఇందులో పాత్రలు ఎవరిని ఉద్దేశించినవి(వో) కావని అందరికీ విన్నవించుకుంటూ...

అనంతపురం జిల్లా పెంటగుబ్బ అనే ఊరి పొలిమేరల్లో ఒక చింత చెట్టు ఉండేది. అక్కడ ఒక ....

వ్యవసాయ పారిభాషిక పదాలు

2007-03-02T11:45:00.000-08:00

మొన్న వంశీగారిని కలిసినప్పుడు మాటల మధ్యలో , మన ఆంధ్ర దేశంలోని వ్యవసాయానికి సంబంధించిన కొన్ని విషయాలు చర్చకు వచ్చాయి. ఆయన ఒక మాట అన్నాడు. "త్యాగ గారు - నాకు వ్యవసాయ పారిభాషిక పదాలు కూర్పు చేయ్యాలి అని ఆసక్తిగా ఉంది కానీ, వాటికి సంబంధించి వివరాలు దొరకటంలేదు - మీకు పొలాలు గట్రా అవీ ఉన్నాయి అని చెప్తున్నారు కాబట్టి - సాయం ఏమన్నా చేయగలరా అని అడిగారు.సరే అని ఈ వారం ఆ పని మొదలుపెట్టి కొన్ని పదాలు వ్రాసా.. వచ్చే వారం మరి కొన్ని, ఆ పై వారం మరి కొన్ని - అలా మొత్తానికి ఆయన కూర్పుకి సాయపడదాము అని నిశ్చయించుకున్నాను. అలా మొదలు పెట్టిన ప్రయత్నమే ఈ కింది పదాలు
అంచె - బఱ్ఱెలకు దాణా పెట్టే బుట్ట
అటుకు / అలవ - బఱ్ఱెల కొట్టంలో దాణా, పొట్టు అవీ పెట్టుకోవటానికి ఏర్పరచిన చోటు
ఇలారం - గుండ్రంగా వేసిన గొడ్ల కొట్టం, గుత్తాపుశాల
ఊల దంటు - తియ్యగా ఉండని జొన్న దంటు
కంకర - గింజ పట్టని కంకి
కట్టుగొయ్య / కట్టుగోరు - బఱ్ఱెలని కట్టెయ్యటానికి పాతే కఱ్ఱ
కడుగు / కుడితి - పశువులకి ఆహారంగా పెట్టే నీళ్ళు
కసువు / గడ్డి - పశువులకు ఆహారంగా వేసే మొక్కలు, ఆకులు, కాడలు
కూగు / బొత్తు - జొన్నలు, రాగులు మొదలయినవాటి గింజలకి అంటుకుని ఉండే పొట్టు
కొంకి - కొట్టంలో తాళ్ళకట్ట తగిలించే వంకర కఱ్ఱ
కొరట - రాగిగింజలు కొట్టిన పిండి వేసి కాచిన నీళ్ళు
కొట్టం - సాల, సావిడిగగ్గి - గింజలు రాల్చిన కంకి
గంజు - పశువుల మూత్రం

ఇంకా గటక చొప్ప, చెంగలి, జీలిగి, జెరుపోతు, చిరిచేమాకు, గునుగు, జీలిగి, తక్కెల, తుంగ, దర్భ, పిల్లిపెసర, నక్కిరి గడ్డి, పుటపుటాలు, బల్లి గడ్డి, రాగిస గడ్డి, గొత్తు, గాటికంబం, గాటిగుంజ, గోలెం, చిట్టు, చితుకు, చొప్ప, గొత్తు, గోణాం, గుగ్గిళ్ళు, తట్ట, జాడు, జల్ల, జబ్బ, తవుడు ఇలా ఎన్నో రకాల పదాలు ఉన్నాయి.

ఈ హా....ఒక మంచి అనుభూతి

2007-03-02T10:04:00.000-08:00

ఈ హా....మొన్న నేను ఆఫీసు పని మీద సన్నీవేల్ నుంచి శాక్రమెంటో వెళ్ళినప్పుడు, అక్కడ ఉన్న సిద్ధివినాయక గుడికి వెళ్ళాను. అవ్వాళ్ళ గురువారం కావటం వల్ల సాయిబాబా భజన జరుగుతోంది. అక్కడ ఎవరిని కలిసానో చెప్పుకోండి చూద్దాం ?

మాగంటి.ఆర్గ్ వెబ్సైటు వ్యవస్థాపకుడు వంశీ గారిని. సుమారుగా 36 సంవత్సరాలు ఉంటాయేమో. మనిషి కొంచెం సన్నగా, బట్టతలతో ఉన్నా ఆరు అడుగుల అందగాడు.మంచి రంగులో ఉన్నాడు. వాళ్ళ అమ్మాయి వైష్ణవి (యమా మంచి అందగత్తె :) ) వయసు మహా అయితే సంవత్సరం ఉంటుందేమో. పిల్ల మటుకు మాంచి తెల్లగా పెద్ద పెద్ద కళ్ళతో యమా హుషారుగా ఆడుకుంటూ భలే ముద్దు వచ్చింది.

ఆయన గుళ్ళో భజన పూర్తి కాగానే,సుమారు ఏనిమిదింటికి అనుకుంటా - పట్టుబట్టి తనతో పాటు వాళ్ళ ఇంటికి తీసుకుని వెళ్ళారు. అక్కడ వాళ్ళ ఆవిడ శ్రీదేవి గారు చేసిన వంటకాలు సుష్టుగా భోంచేసి, రాత్రి పన్నెండింటిదాకా కామోసు తెలుగు సాహిత్యం గురించి, మాతృభాష గురించి, ఇంటెర్నెట్టులో తెలుగు వ్యాప్తి గురించి కబుర్లు అవీ చెప్పుకుని నెమ్మదిగా నేను బస చేసిన రాడిస్సన్ హోటలుకి బయలుదేరాను. ఒక మంచి వ్యక్తిని కలిసి ఒక మంచి అనుభూతిని మిగిల్చింది ఈ ప్రయాణం.

ఈ ప్రయాణములో తీసుకున్న ఫోటోలు, మాట్లాడుకున్న ఇతర వివరాలు త్వరలో ఇక్కడ ప్రచురిస్తా.

చందమామ - "మామ"

2007-02-25T19:11:00.000-08:00

అలపర్తి వెంకట సుబ్బారావుగారి ఒక గేయంలో, అసలు చందమామ - "మామ" ఎలా అయ్యాడు అని ఎంత చక్కగా వివరించారో చూడండి

తల్లి అగును కద లక్ష్మి అందరికి
తమ్ముడగును మన చంద్రుడామెకు
అందుచేతనే చంద్రుడందరికి
అవుతాడమ్మా మామయ్య వరుస

చకోరపక్షి అంటే ...... ?

2007-02-25T18:48:00.001-08:00

కోరాడ రామకృష్ణ కవిగారి పుస్తకాలు చదువుతూ ఉంటే నాకు ఇంతవరకు తెలియని ఒక ప్రశ్నకి సమాధానం దొరికింది.

అసలు ప్రశ్న ఏమిటి అంటారా ? చకోరపక్షి అంటే ఏమిటో మీకు తెలిస్తే చెప్పండి చూద్దాం...

చకోర పక్షి అంటే గబ్బిలం అట. చకోరాక్షి అంటే గబ్బిలంలాగా ఎర్రని కన్నులు కలది అని అర్ధం అట. ఎక్కువగా శృంగార పరమయిన కవితలలో వినిపిస్తుంది అని వివరణ. ఇంక విడమరచి చెప్పదలుచుకోలేదు.

ఆచార్య వి. యల్. యస్. భీమశంకరం గారి "రసాశ్రువు"

2007-02-20T08:39:00.000-08:00

ఆచార్య వి. యల్. యస్. భీమశంకరం గారి గ్రంథము "రసాశ్రువు" లోని ఇష్ట దేవతా ప్రార్థనము లోని కొన్ని పద్యాలు. ఆహా...

శా.

వీణా పుస్తకరమ్య పాణి,కవితా విన్యాస విస్తారిణీ
వేణీబంభర జృంభితాస్యరమణీ,వేదార్థ విశ్లేషిణీ
వాణీ,నాద సుధామణీ,గుణమణీ,పాండిత్య సంధాయినీ
ప్రాణాయామ విశేషిణీ,నిరత దివ్య జ్ఞాన సంతోషిణీ.

కం.

వరవీణా మృదుపాణిని
సురుచిర సారంగ వేణి శోభిత వక్త్రన్
సరిగమ పదనిస రసధుని
వరరుచి కవితా మధురిమ పదనటమూర్తిన్.

కం.

కొలుతును సతతము జిలిబిలి
తెలుగుల పలుకుల లలనను త్రికరణ శుద్ధిన్,
మలతును చదువుల బ్రతుకును
విలసిత మృదు మధుర కవన విశృతికొరకై.

దేవులపల్లి వారి ఒక అద్భుతమయిన కవిత

2007-02-15T21:54:00.000-08:00

దేవులపల్లి వారి ఒక అద్భుతమయిన కవిత..మాగంటి వారికి ధన్యవాదాలు

http://www.maganti.org/page5.html

ఈ పుటలో అన్నిటి కన్నా కిందుగా ఉన్న "మతం" అన్న మీట నొక్కండి

దేవులపల్లి వారు తెలుగు వారిగా పుట్టటం మనం చేసుకున్న అదృష్టం అని అనుకుంటూ ఉంటాను. ఆయన రాసిన మంచి సినిమా పాట - మన గాన కోకిల సుశీలమ్మ గారు పాడిన పాట ఒకటి నా మనసులో ఎప్పుడూ మంద్ర గతిలో నడుస్తూనే ఉంటుంది - "తెల్ల వారక ముందే పల్లే లేచింది - తన వారినందరిని తట్టీ లేపింది" అని ఎంతో ఎంతో మంచి పాట.

పార్వతి అమ్మవారి "ఉమ" పేరుకి అసలు అర్ధం

2007-02-13T06:39:00.000-08:00

చర్ల గణపతి శాస్త్రిగారి కుమార స్వామి విజయము చదువుతుంటే ఒక ఆసక్తికరమయిన విషయం తెలిసింది. పార్వతి అమ్మవారికి "ఉమ" అనే పేరు కూడా ఉంది అని మన అందరికీ తెలిసిందే కదా. ఆ పేరుకి అసలు అర్ధం ఏమిటో తెలుసా ?పర్వత రాజ పుత్రిక కనుక, ఆ వంశా సంబంధాన్ని పురస్కరించుకుని పార్వతి అని పిలిచేవారట ఆవిడని. సరే ఆవిడ భర్త కోసమై తపస్సు చేయడానికి పూనుకోగా తలిదండ్రులు "ఉ = ఓసీ" "మా = తపస్సు వద్దు" అని నిషేధించటానికి చేసిన ప్రయత్నమే ఆవిడకి "ఉమ" అనే నామాన్ని సార్ధకం చేసింది అట.

చాల ఆసక్తికరంగా ఉంది

ప్రాస అంటే ఇలా ఉండాలండి...

2007-02-10T21:08:00.000-08:00

అనంతభూపాలుడు రచించిన ఒక ప్రాస రచన చూడండి..ప్రాస అంటే ఇలా ఉండాలండి..కృష్ణుడి మీద ఎంత అందంగా రాసారో

కరుణా సముద్రుండు గజరాజ వరదుండు
గర్వితాసుర శిరః ఖండనుండు
విహగేంద్ర వాహుండు విబుధేంద్ర వంద్యుండు
విశ్వరక్షాచణ వీక్షణుండు
రతిరాజ జనకుండు రఘువంశ తిలకుండు
రణ బలోదగ్రుండు రమ్యగుణుడు
గోకులాధీశుండు గోపికారమణుండు
గోవిందు డురుకళా కోవిదుండు

India the Superpower? Think again - Fortune Magazine

2007-02-09T06:05:00.000-08:00

This what the FORTUNE magazine SAYS:

NEW YORK (Fortune) -- Plug in the words "India" and "superpower" into an Internet search engine and it's happy to oblige - with 1.3 million hits. I confess that I did not check each one, but I suspect that almost all of these entries date from the last couple of years.

This is understandable. For the first time ever, India has posted four straight years of 8 percent growth; since it cracked open its economy in 1991, it has averaged growth of 6 percent a year - not in the same league as China, but twice the derisory "Hindu rate of growth" that had marked the first 45 years of independence.

India the Superpower? Think again

FORTUNE 500
Current Issue

India has gone nuclear, and even gotten the United States to accept that status. Its movies are crossing over to become international hits. The recent $11.3 billion takeover of Corus by Mumbai-based Tata Steel, was the biggest acquisition ever by an Indian firm.

No wonder the idea of India as the next superpower is fast becoming conventional wisdom. "Our Time is Now," asserts The Times of India. And in an October survey by the Chicago Council on World Affairs, Indians said they saw their country as the second most influential in the world.

Sorry: India is not a superpower, and in fact, that is probably the wrong ambition for it, anyway. Why? Let me answer in the form of some statistics.

-47 percent of Indian children under the age of five are either malnourished or stunted.

-The adult literacy rate is 61 percent (behind Rwanda and barely ahead of Sudan). Even this is probably overstated, as people are deemed literate who can do little more than sign their name.

-Only 10 percent of the entire Indian labor force works in the formal economy; of these fewer than half are in the private sector.

-The enrollment of six-to-15-year-olds in school has actually declined in the last year. About 40 million children who are supposed to be in school are not.

-About a fifth of the population is chronically hungry; about half of the world's hungry live in India.

-More than a quarter of the India population lives on less than a dollar a day.

-India has more people with HIV than any other country.

(Sources: UNDP, Unicef, World Food Program; Edward Luce). You get the idea.

The 2006 UN Human Development Report, which ranks countries according to a variety of measures of human health and welfare, placed India 126th out of 177 countries. India was only a few places ahead of rival Pakistan (134th) and hapless Cambodia (129) and behind such not-about-to-be-superpowers as Equatorial Guinea (120), and Tajikistan (122).

As these and other numbers suggest, Indian triumphalism (a notable 126,000 hits on Google) is not only premature, it is misguided. Yes, growth has been brisk, and of course growth is necessary to make a dent in poverty. But as Edward Luce, author of the excellent, "In Spite of the Gods: The Strange Rise of Modern India," noted in a recent talk, poverty in India is not falling nearly as fast as its brisk rate of growth might anticipate.

The reason for this is that Indian growth has been capital-intensive, driven by the growth in high-value services such as IT. This is a good thing, but what it does not do is create stable and reasonably paid employment for not particularly skilled people -and this matters a lot, considering eight to 10 million Indians enter the labor force every year. Luce estimates that there are 7 million Indians working in the formal manufacturing sector in India -and 100 million in China.

To look at it another way, the 1 million Indians working in IT account for less than one-half of one percent of the entire working population. This helps build reserves (and national confidence, and tax revenues) but is not the poverty buster that labor-intensive development is. As Prime Minister Singh told Luce, "Our biggest single problem is the lack of jobs for ordinary people."

The problem with India's self-proclaimed (and wildly premature) declaration of superpower status is that it reflects a complacency about both its present - which for many people is dire, as above - and its future. Eight percent growth for four years is wonderful, but as the saying goes, past performance is no guarantee of future results. And India is not doing what it needs to in order to sustain this momentum.

Consider the postwar history of East and Southeast Asia. The comparison is appropriate because India started at about the same point, and has watched just about every country in the region get ahead of it on the economic curve. All these places developed by being relatively open to trade; by investing in primary and secondary education; and by building pretty decent infrastructure (not only roads and ports, but health clinics and water supplies). India has begun to embrace one leg of this triangle - freer trade.

Even here, though, many of the worst features of the swadeshi ("self-reliance") era remain intact, including an unreformed state banking sector; labor regulations that actively discourage hiring; abstruse land laws (and consequent lack of land titles); misshapen subsidies that hurt the poor; and corruption that is broad, deep, and ubiquitous. Nothing useful is being done about any of this.

As for the other two legs of this development triangle - education and infrastructure - these are still badly broken. About a third of teachers fail to show up on any given day (and, of course, are unsackable); the supply of both water and power is expensive and unreliable.

These facts of life too often go unremarked in the current euphoria about the state of the nation. "We no longer discuss the future of India," Commerce Minister Kamal Nath told the Financial Times in a typical comment. "The future is India." Hubris, of course, is the stuff of politics everywhere. But the future will not belong to India unless it takes action to embrace it, and that means more than high-profile vanity projects like putting a man on the moon or building the world?s tallest tower. It means showing that the world's largest democracy can deliver real progress to the hundreds of millions who have never used the phone, much less the Internet. And in important ways, that just isn't happening.

India has many reasons to be proud, but considering it remains a world leader in hunger, stunting and HIV, its waxing self-satisfaction seems sadly beside the point.

Courtesy - FORTUNE

WHO IS CARRYING THE BAG?

2007-02-04T18:03:00.001-08:00

WHO IS CARRYING THE BAG?

Once Iswarachandra Vidya Sagar was proceeding to a neighboring village to deliver an address. People used to gather in large numbers to listen to his lectures. A young officer, who wanted to listen to Iswar Chandra Vidyasagar's lecture, got down from a train with a bag to go to the Lecture-hall.

Iswar Chandra Vidyasagar also got down from the same train. The young officer was calling for a porter to carry his bag. Iswar Chandra went to him and said: "Why do you need a coolly to carry this small bag? Can't you carry it yourself and save the money?" He replied: "It is not in keeping with my dignity to carry my bag. I am an educated person." Iswar Chandra told him: "The hallmark of education is humility, not pride. If you cannot carry your own bag, how are you carrying your body? If, however, you cannot carry your own bag, I shall do so." And Iswar Chandra carried the officer's bag. He acted on the motto: "Plain living and high thinking." The young man wanted to offer money to his 'porter'. Iswar Chandra told him: "To serve you is my reward".

The young officer left and was later proceeding to the venue of the meeting. There people were offering garlands to Iswar Chandra Vidyasagar to welcome him to the meeting. The young officer realised that the man who had offered to carry his bag at the station was none other than the respected speaker of the evening, Iswar Chandra Vidyasagar. He felt ashamed that he had made such a great man carry his bag. He reflected: "What is his education and what is mine? I am like a glow worm before the Sun."

Courtesy of Balvikas

క్రీస్తు - కృష్ణుడు పోలిక

2007-01-28T08:45:00.000-08:00

క్రీస్తు - కృష్ణుడు పోలిక

ఇక్కడ చదవండి...

ftp://ia300203.us.archive.org/3/items/ChristVersusKrishna/

డి జె వి యు లంకె నొక్కండి

గురుజాడ - కన్యాశుల్కంలోని ప్రధాన పాత్రలు

2007-01-28T07:03:00.000-08:00

గురుజాడ అప్పారావు గారి కన్యాశుల్కంలోని ప్రధాన పాత్రలు
1. అగ్నిహోత్రావధాన్లు - కృష్ణరాయపురం అగ్రహారీకుడు
2. వెంకమ్మ - అగ్నిహోత్రావధాన్లు భార్య
3. బుచ్చమ్మ - అగ్నిహోత్రావధాన్లు పెద్ద కూతురు
4. సుబ్బమ్మ - అగ్నిహోత్రావధాన్లు చిన్న కూతురు
5. వెంకటేశం - అగ్నిహోత్రావధాన్లు కుమారుడు
6. కరటక శాస్త్రి - అగ్నిహోత్రావధాన్లు బావమరిది, ఇతను విజయనగరం నాటక కంపెనీలో విదూషకుడు
7. శిష్యుడు - కరటక శాస్త్రి శిష్యుడు
8. లుబ్ధావధాన్లు - రామచంద్రపురం అగ్రహారీకుడు
9. మీనాక్షి - లుబ్ధావధాన్లు కుమార్తె, వితంతువు
10. రామప్పంతులు - రామచంద్రపురం అగ్రహారం కరణం
11. గిరీశం - లుబ్ధావధాన్లు పినతల్లి కొడుకు, వెంకటేశానికి చదువుచెప్పే అయ్యవారు
12. సౌజన్యారావు పంతులు - వకీలు
13. భీమారావు పంతులు - ప్లీడరు
14. నాయుడు - ప్రైవేటు వకీలు
15. పూజారి గవరయ్య - దెయ్యాల మాంత్రికుడు, వైద్యుడు
16. మధురవాణి - వేశ్య
17. ఇతరులు బంట్రోతు, పూటకూళ్ళమ్మ, సిద్ధాంతి, పోలిశెట్టి, హెడ్ కనిష్టీబు, బైరాగి, దుకాణదారు, గ్రామ మునసబు, యోగిని, అసిరిగాడు, మనవాళ్ళయ్య, వీరేశ, తహసీల్దారు, డిప్టీ కలక్టరు, వగయిరా.

విశాలంధ్ర దేశ కథ - కల్పితము

2007-01-23T09:07:00.000-08:00

ఇందులోని వ్యక్తులు గానీ పాత్రలు కానీ ఎవరినీ ఉద్దేశించి రాసినవి కాదు అని మనవి. ఒకవేళ నిజజీవితములో ఎక్కడయినా సామీప్యం కనపడితే అందుకు నా బాధ్యత ఏమీ లేదని , ఇది కేవలం కల్పితముగా వ్రాయబడినది అని సభాముఖంగా విన్నవించుకుంటున్నాను.

అనగనగా ఎక్కడో కృష్ణా , గోదావరీ తీరాల మధ్యలో ఉన్న విశాలాంధ్ర దేశాన్ని భూస్వాహా రెడ్డి అనే ఒక గొప్ప రాజు పరిపాలించేవాడు. ఆయన పాలనలో ప్రజలు అష్ట కష్టాలు పడేవారు. ఎందుకా ? ఆయన రాజ్యం లోని మంత్రులు విచ్చలవిడిగా ప్రవర్తిస్తూ తమ ఇష్టానుసారంగా ప్రవర్తిస్తూ ప్రజల కష్టార్జితాన్ని విశృంఖలంగా దోచుకుంటూ, ప్రజల మాన ప్రాణాలకు రక్షణ లేకుండా చేస్తూ సామాన్య ప్రజానీకానికి కంటి మీద కునుకు లేకుండా చేసేవారు. ఈ అమాత్య్వర్యులు ప్రతి ఒక్కరికి పేరు పేరునా గొప్ప చరిత్రలు ఉన్నాయి. కాని వారు ఎంత దుర్మార్గులయినా అప్పుడప్పుడు పత్రికల వారితో హాస్యస్ఫోరక సంభాషణలు జరిపేవారు. ఉదాహరణకి ఒక చిన్న సంఘటన చూద్దామా ఇప్పుడు - ప్రచార శాఖా అమాత్యులు బొచ్చె కత్తినారాయణగారు ఉన్నట్టు ఉండి వారి అమాత్య పదవికి రాజీనామా చెయ్యడానికి సిద్ధపడ్డారు. ఎందుకురా నాయనా అంటే ఆయన గారి తమ్ముడు బొక్కల నరసిమ్హం కి గ్రామ సిమ్హం పదవి ఇవ్వడానికి రాజు గారు అంగీకరించలేదు అని. మరి రాజు గారు ఎందుకు అంగీకరించలేదు? రాజుగారికి తన వంశంలోని వాళ్ళు తప్ప ఇంకెవరి వంశంలోనూ ఇద్దరికి మించి పదవులలో ఉండకూడదు అని ఒక నిశ్చితాభిప్రాయం ఉండేది. ఇక్కడ ఒక చిన్న కథ చెప్పుకోవాలి. బొచ్చె గారి భార్య లక్ష్మీ బాయి రాజుగారి సేనలోని అశ్వదళానికి సేనాపత్ని. ఈవిడకి ప్రపంచ జ్ఞానం ఏమీ లేకపోయినా, రాజకీయాల గురించి ఏమీ తెలియకపోయినా అమాత్యుల వారి భార్య కావటం వల్ల సేనాపత్ని పదవిలో అలంకరింపచేసారు. అది చూసి బొక్కల నరసిమ్హంకి అంతా అయోమయం అగమ్యగోచరం గా అయిపోయి, అన్నయ్యా, మరి ఏమీ తెలియని వదినకే సేనాపత్ని పదవి కట్టబెట్టావు, మరి నువ్వు చేసే ఇన్ని దుర్మార్గాలలో పాలుపంచుకున్న నాకు యే పదవి ఇప్పించలేవా ? పోనీ పెద్ద పదవులు వద్దు ఒక గ్రామ సిమ్హం పదవి ఇప్పించు.స్వయంగా నేను ప్రజలని కండలూడేలా కరిచి కొరికి వారిని పిండి పిప్పి చేస్తాను. మనము మన వంశం కొన్ని వందల యేళ్ళ దాకా సరిపడే మాంసం(ధనం) సంపాదించి నీ కాళ్ళ వద్ద పడేస్తాను అని వేడుకున్నాడు. ఇక అమాత్యవర్యుల దుర్మార్గపు గుండే కరిగిపోయి రాజు గారి వద్దకి పరిగెత్తి "రాజా - నేను బోగస్ వాగన్ను లో డబ్బులు బొక్కినా, అన్యాయంగా పేదల భూములు బొక్కినా - అంతా ఎవరికోసం చేశాను ? మీ కోసం మీ దేశంకోసం. నేను బొక్కిన ధనలో మీ వాటా మీకు ఇచ్చేసాను కూడా. అలాంటి దుర్మార్గుడిగా నాదొక చిన్న కోరిక. మా తమ్ముడిని తప్పక గ్రామ సిమ్హంగా నియమించమని కోరుతున్నాను. వాడు తప్పక మొరిగి కరిచి మరింత ధనం తీసుకుని వచ్చి మీ పాదాల ముందు పడవేస్తాడు. ఆ మాత్రం నమ్మకం ఉంచండి" అని ప్రాధేయపడ్డాడు. అప్పుడు రాజు గారు "ఓరోరి బొచ్చె కత్తినారాయాణా - ఎన్ని సారులు చెప్పవలెరా నీకు. మొదటగా నీ దిక్కుమాలిన పత్నిని తీసుకుని వచ్చి సేనాపత్నిగా నియమించమని కోరావు. సరే అని అన్నాను. ఇప్పుడు వచ్చి మీ తమ్ముడికి సిమ్హం పదవి గాడిద గుడ్డు పదవి అంటావు ఏమిరా ?" అని హుంకరించాడు. ఆ హుంకారం విని బొచ్చె గారికి తిక్క రేగి - "ఓరే దుర్మార్గపు రాజా - నీ కోసం నేను నా వంశం కుక్కల లాగా పని చేశి ఒక చిన్న కోరిక కోరితే, అది ఇవ్వడానికి నీ మనసొప్పట్లెదా? అయితే కాచుకో నా రాజీనామా అస్త్రం. ఇది ప్రయోగించాను అంటే భూనభోంతరాలు దద్దరిల్లి పోతాయి. దేశం సర్వ నాశనమయిపోతుంది. నా రాజీనామా వల్ల వచ్చే తీవ్ర తదనంతర పరిణామాలకు నువ్వే బాధ్యత వహించాలి" అని హెచ్చరించాడు. భూస్వాహా మహారాజుకి ఇలాంటివి అన్ని కొత్త కాదు కాబట్టి, "ప్చ్" అని పెదవి విరిచి హేళణగా ఒక చిరుమందహాసం చిందించి తన పులివెన్ను ఊరినుంచి తెప్పించిన సాలభంజికల సిమ్హాసనం ఎక్కటానికి చక్కా పోయాడు.

తదుపరి సన్నివేశం త్వరలో...

నన్నయగారి భారతములో ఒక మంచి పద్యం

2007-01-22T21:01:00.000-08:00

నన్నయగారి భారతములో ఒక మంచి పద్యం

సురపతి సభ జూడన్, జూడ నంగారవృష్టుల్
గురిసె, కులిశధారలు కుంఠితంబయ్యె, దిక్కుం
జరమదము లడంగెన్, సర్వదిక్పాలకాంతః
కరణములు భయోద్వేగంబునన్ సంచలించెన్

గరుత్మంతుడు అమృతమును తెచ్చుటకై స్వర్గమునకు వెళ్ళగా అక్కడ ఉత్పాతాలు పుట్టాయి అని అర్ధం అట .

జలజల రాలే చినుకును నేను - అద్భుత కవిత

2007-01-22T14:57:00.000-08:00

జలజల రాలే చినుకును నేను
గలగల పారే ఏరును నేను
అలలతొ పొంగే కడలిని నేను
అందరు కోరే జలమును నేను

మనుజుల కైనా మెకముల కైనా
చెట్టుల కైనా పిట్టల కైనా
దప్పిక దీర్చే జలమును నేను

భూమిని ఉన్నా మట్టిని కలసి
నింగిని ఉన్నా మబ్బులొ దాగి
మధ్యలొ ఉన్నా గాలిని గూడి
అంతట ఉన్నా ఆకృతి మార్చి
అందరు కోరే జలమును నేను

తీయటి రసముగ ఒకచోట
ఉప్పటి నీరుగ ఒకచోట
తెల్లని మంచుగ ఒకచోట
నల్లని నీటిగ ఒకచోట

స్వచ్ఛము గాను ఒకచోట
పంకిలమగుచు ఒకచోట
తేలెడి గడ్డగ ఒకచోట
రాలెడి రేకుగ ఒకచోట

ఆవిరి రూపున ఒకచోట
ఆరని తడిగా ఒకచోట
మెల్లగ సాగుచు ఒకచోట
వెల్లువ యగుచూ ఒకచోట

తిన్నగ ఉరుకుచు ఒకచోట
సన్నని గొందుల ఒకచోట
వెచ్చని ఊటగ ఒకచోట
పచ్చని నదిగా ఒకచోట

చీకటి గుహలో ఒకచోట
వెలుతురు బయలున ఒకచోట
అందని ఎత్తున ఒకచోట
క్రిందకు దుముకుచు ఒకచోట

ఉడుకుచు కుతకుత ఒకచోట
బుడబుడ పొంగుచు ఒకచోట
పరుగులు దీయుచు ఒకచోట
నిలకడగాను ఒకచోట

ఎల్లెడనుండే జలమును నేను
ఎల్లరు కోరే జలమును నేను

వానగ వచ్చి వరదగ పొంగి
పట్టగ లేని ఉరవడి తోడ
చెట్టుల రాల్చి గట్టుల ద్రుంచి
ఇళ్ళను గూల్చి ఊళ్ళను ముంచి
అల్లరి జేసి ఆరటి నిచ్చి
ఇష్టము వచ్చిన రీతిని యంతా
విహరణ జేసే జలమును నేను

అందరు కోరే జలమును నేను
ఎల్లెడనుండే జలమును నేను

ఎవరో సుప్రభ అనే ఆవిడ వ్రాసిన ఈ అద్భుత కవిత చూడండి. ఎక్కడో నెట్లో వెతుకుతుంటే కనపడింది. చాలా బావుంది. నీటి గురించి చాల చక్కగా వివరించారు. ఆవిడ మృదు మధుర కవితా ధోరణికి నమఃస్సుమాంజలి.

తెలంగాణపై సత్యసాయిబాబా - కేసీఆర్

2007-01-21T16:23:00.000-08:00

తెలంగాణపై సత్యసాయిబాబా చేసిన వ్యాఖ్యలపై తెరాస అధినేత కేసీఆర్ తీవ్రంగా స్పందించారు. తెలంగాణ ప్రాంతంలోని రైతుల ఆత్మహత్యలు, నేతకార్మికుల ఆకలి కేకలు బాబాకు కనిపించలేదా అంటూ ప్రశ్నించారు. ధర్మప్రచారం చేస్తూ ఆధ్యాత్మిక కార్యక్రమాలు నిర్వహించే బాబాలు, జీయర్‌స్వాములకు రాజకీయాలెందుకని వ్యాఖ్యానించారు. సోమవారం నుంచి ప్రారంభం కానున్న పల్లెబాట కార్యక్రమంలో పాల్గొనేందుకు ఆదివారం వరంగల్ వచ్చిన ఆయన ఈ వ్యాఖ్యలు చేశారు. ''వారికి కావాల్సినంత పనుంది, లక్షల మంది భక్తులున్నారు. వారి ధర్మ ప్రచార కార్యక్రమాలు చూసుకోక ఇలాంటి వాటిల్లో జోక్యం చేసుకోవటం ఎందుకు. వాస్తవాలు తెలుసుకుని మాట్లాడితే బాగుంటుంది. ధర్మ ప్రచారం చేసుకునే వీరు అధర్మ ప్రచారానికి ఎలా వత్తాసు పలుకుతారు. కావాలంటే ఓ యజ్ఞం ఎక్కువగా చేసుకోవాలని గతంలోనే జీయర్‌స్వామికి సూచించాను. అయినా..! తెలంగాణ కావాలని కోరుతున్న తెలంగాణ న్యాయవాదులు, వైద్యులు, ప్రొఫెసర్లు పిచ్చివాళ్లా? వారి మాటకు ఎందుకు విలువ ఇవ్వరు. వీరి డిమాండ్ కాదని బాబాలు, స్వాములను ముందుకు తెచ్చి మాట్లాడించటం సరికాదు'' అని వ్యాఖ్యానించారు. ఆధ్యాత్మికానికి పరిమితమైతే మంచిది ప్రత్యేక తెలంగాణ గురించి సాయిబాబా మాట్లాడకపోవడమే మంచిది. నల్గొండ జిల్లాలో తీవ్రంగా ఉన్న ఫ్లోరైడ్ సమస్యను ఆయన పరిశీలించి ఉంటే ప్రత్యేక తెలంగాణ అవసరంలేదని అని ఉండేవారు కాదు. ఇలాంటి బాబాలు ఆధ్యాత్మిక కార్యక్రమాలకే పరిమితమైతే మంచిది. - వరంగల్‌లో విలేకరులతో మధుయాష్కీ సత్యసాయిపై 'ధూంధాం' కన్నెర్ర జడ్చర్ల, న్యూస్‌టుడే: ప్రత్యేక తెలంగాణకు సంబంధించి ఆదివారం చెన్నైలో సత్యసాయి బాబా చేసిన వ్యాఖ్యలపై మహబూబ్‌నగర్ జిల్లా జడ్చర్లలో ఆదివారం తెలంగాణ ధూంధాం కార్యక్రమం మండిపడింది. నేతలు నిరసన వ్యక్తం చేశారు. కవులు, కళాకారులు పాటలు పాడి సత్యసాయి వ్యాఖ్యలను గర్హించారు. మాయలు మంత్రాలతో ఇంతకాలం ప్రజలను మోసం చేసిన బాబా అదే విద్యతో తెలంగాణను మోసం చేయాలని చూస్తే సహించేదిలేదని గద్దర్ తీవ్ర స్వరంతో అన్నారు.తెలంగాణ ప్రజలకు బేషరతుగా క్షమాపణ చెప్పాలని డిమాండ్ చేశారు.

విశ్వదాభిరామ వినవె వయ్యారి

2007-01-21T11:27:00.000-08:00

మా ఆవిడ నా గోళ్ళు పెరిగిపోయినాయి అని నిన్న శనివారం నాడు వాల్ మార్ట్ లో కొన్న గోళ్ళ కత్తెరుచ్చుకుని నా వెంబడి పడింది...అప్పుడు జనించిన ఊహ ఈ పద్య రూపం సంతరించుకుంది...

గోళ్ళు పెంచుకొనిన గోకుట సులభంబు
దురద పుట్టునపుడు కరము సుఖము
పిరికివారు గోళ్ళు పీకించుకుందురు
విశ్వదాభిరామ వినవె వయ్యారి జాణ

గరిటెకాడ - పద్య రూపం

2007-01-21T11:20:00.000-08:00

గరిటెకాడ కూర కరకరగ వేగించు
ప్రతిపనికి అడ్డుచెప్పు మొగుడి నెత్తి మొట్టవచ్చు
వంటకాకముందు ఇంటికొచ్చు మొగని కొట్టవచ్చు
విశ్వదాభిరామ వినవె వయ్యారి

అంటే మా ఆవిడ చేతిలో గరిటెకాడ ఎప్పుడూ ఉంటుంది అని కాదు...తప్పుగా అర్ధం చేసుకునేరు

అన్నమయ్య వారి ద్విపద

2007-01-21T06:58:00.000-08:00

అన్నమయ్య వారి ద్విపద ఎంత మధురంగా ఉందో చూడండి

అరవిందభవ సపర్యాప్త గోవింద
చరణారవిందనిష్యంద మరంద
వారిధారాకార వరవారిపూర
పూరితగంభీరభూరినిర్ఘోష
రంగదభంగసంభ్రమ భరోత్తుంగ
గంగాతరంగవైఖరులు దీపింప

ఆర్కుట్ పేరుకి అర్ధం

2007-01-11T14:36:00.000-08:00

ఆర్కుట్ పేరుకి అర్ధం టర్కిష్ భాషలో సంతోషము, సుఖము, ఆనందము, ఉత్సాహము, ఉల్లాసము, అదృష్టము, యోగము కలగలిసిన నగరము అని అర్ధము అట. ఆర్కుట్ తయారు చేసిన ఆయన టర్కీ దేశస్థుడు - ఆయన పేరు ఆర్కుట్ బుయుక్కోక్టెన్

ఒక పద్య పద విన్యాసం - పాల్కురికి సోమన

2007-01-11T13:10:00.000-08:00

పాల్కురికి సోమన వారి వృషాధిప శతకములోని ఒక పద్య పద విన్యాసం చూడండి..అద్భుతం

తజ్ఞ! జితప్రతిజ్ఞ! యుచిత ప్రమథానుగతజ్ఞ! నమ్ర దై
వజ్ఞ! కళావిధిజ్ఞ! బలవచ్ఛివభక్తి మనోజ్ఞ! ధూతశా
స్త్రజ్ఞ! సువాదపూరిత రసజ్ఞ! తృణీకృత పంచయజ్ఞ! స
ర్వజ్ఞ! శరణ్యమయ్య బసవా! బసవా! బసవా! వృషాధిపా!

చంఘీజ్ ఖాన్ అసలు పేరు

2007-01-10T21:15:00.000-08:00

జగమెరిగిన యోధుడు చంఘీజ్ ఖాన్ అసలు పేరు ఏమిటో తెలుసా ? సూటూ బోడ్గా బట్ టెంగ్రీ టెమూజిన్ ఖాఖాన్... ఇందులో "టెమూజిన్" అంటే అరచేతిలో ఉబ్బెత్తుగా ఉన్న మాంసపు ముద్ద. అలా ఉన్నందుకే అతను జగజ్జేతగా మారాడని ప్రజలు చెప్పుకుంటారు

"గాలిబ్‌" - దాశరథి అనువాద గీతాలు

2007-01-07T08:34:00.001-08:00

మబ్బువచ్చి నాదు మడిని పండింపగా
మెరపువచ్చి దాని మ్రింగజొచ్చె.

"గాలిబ్‌" - దాశరథి అనువాద గీతాలు

2007-01-07T08:34:00.000-08:00

సింధువునుజేరి బిందువు సింధువగును
ధ్యేయమునుబట్టి ప్రతిపని దివ్యమగును.

"గాలిబ్‌" - దాశరథి అనువాద గీతాలు

2007-01-07T08:31:00.000-08:00

హరిని ప్రార్థింప తలవంచినట్లుగానె
బాగ త్రాగి మ్రొక్కుము మధుభాండమునకు.

వంద టపాలు పూర్తి

2007-01-03T14:06:00.000-08:00

ఈ హా ...నా బ్లాగులో వంద టపాలు పూర్తి అయినాయి అని ఇప్పుడే చూసుకున్నా...మొత్తానికి నూతన సంవత్సరంలో ఒకటి సాధించాను అన్న మాట

గణిత బ్రహ్మ డా. లక్కోజు సంజీవరాయశర్మ

2007-01-03T13:58:00.000-08:00

Taken from EENADU article by Sri Chikolu Sundarayya

గణిత బ్రహ్మ డా. లక్కోజు సంజీవరాయశర్మ
1966 డిసెంబరు ఏడో తేదీ
హైదరాబాదులో శ్రీకృష్ణదేవరాయాంధ్ర భాషానిలయం వేదిక
2 power 103 ఎంత?
సమాధానంలో ముప్పైరెండు అంకెలున్న సంఖ్య చెప్పారు అవధాని

'క' నుంచి 'క్ష' వరకు ఉన్న అక్షరాలకు వరుసగా నంబర్లు వేస్తే, 'స, రి, గ, మ, ప, ద, ని'' అక్షరాల లబ్దం ఎంత?
ఏభై రెండు కోట్ల అయిదు లక్షల ఆరువేలు...

కలం, కాగితం రెండూ ఉన్నా గంటల కొద్దీ సమయంలో కూడా చెప్పలేని సమాధానాల్ని ఆయన ప్రశ్న అడిగినంత సులభంగా, ఏమాత్రం తడుముకోకుండా, ఆలస్యం లేకుండా సమాధానం చెప్పేవారు! ఆయనేమన్నా విద్యావంతుడా... కాదు.

పోనీ రెండు కళ్లూ ఉండి అంకెలిలా ఉంటాయి, సంఖ్యలిలా ఏర్పడతాయని చూడగలిగిన వారా... కాదు. పుట్టుగుడ్డి! పై ప్రశ్నల వంటివి ఆయన్ని వేలల్లో అడిగారు. ఆయన చెప్పిన సమాధానాలు సరిచూడడానికి గణిత మేధావులకు గంటల తరబడి సమయం కావలసి వచ్చింది.

ఆయనే గణిత బ్రహ్మ డా. లక్కోజు సంజీవరాయశర్మ అంకెల ఆకాశంలో అమావాస్య చంద్రుడు. ప్రపంచంలో ఆరువేల గణితావధానాలు చేసిన ఏకైక మేధావి!

శ్రీపాద కథల్లో వడ్ల గింజల ప్రస్తావన తెలిసిందే. రాజుని చదరంగంలో ఓడించినందుకు బహుమానంగా... మొదటి గడిలో ఒక వడ్లగింజ, రెండో గడిలో రెండు గింజలు, మూడో గడిలో నాలుగు, నాలుగో గడిలో ఎనిమిది... ఇలా అరవై నాలుగు గళ్లు నింపి ఇమ్మంటాడతను. రాజు ఓస్ ఇంతేనా అనుకొంటారు. తీరా ఎన్ని వడ్ల గింజలో తేల్చాల్సి వచ్చేటప్పటికీ అందరూ తలలు పట్టుకుంటారు! దానికి సంజీవరాయశర్మ చెప్పిన సమాధానం... ''ఒక కోటి 84 లక్షల, 46 వేల 74 కోట్ల 40 లక్షల, 73 వేల, 70 కోట్ల, 95 లక్షల 51 వేల, 615 వడ్ల గింజలన్నమాట... (1,84,46,74,40,73,70,95,51,615!)

ఒక ఘనపు మీటరు పరిమాణం ఉన్న బస్తాలో దాదాపు ఒక కోటి యాభై లక్షల వడ్లగింజలు పడితే... అటువంటి బస్తాలు ఒక కోటి ఇరవై లక్షల వేల కోట్లు ఘనపు మీటర్ల బస్తాలు అవసరం! నాలుగు మీటర్ల ఎత్తు, పది మీటర్ల వెడల్పు గల ఒక గాదెలో ఆ ధాన్యం నింపాలంటే ఆ గాదె పొడవు మూడు వందల కోట్ల కిలోమీటర్లు ఉండాలి. ఈ దూరం భూమికీ సూర్యుడికీ మధ్య ఉన్న దూరానికి రెండింతలు! అంత ధాన్యం ఈ భూమండలంపై ఉండదు!

ఇదంతా అబ్బురమనిపించవచ్చు. కానీ సంజీవరాయశర్మ గణితావధాన మహిమ అదంతా!

సంజీవరాయశర్మ 1907 నవంబరు నెల 22న కడప జిల్లా ప్రొద్దుటూరు తాలూకాలోని కల్లూరు జిల్లాలో జన్మించారు. జననీ జనకులు నాగమాంబ, పెద్ద పుల్లయ్యలు. జన్మతః అంధుడు కావడంతో పురుడు పోసిన మహిళ గొంతు నులిమి దిబ్బలో పాతెయ్యమంది. కొందరు బంధువులు నోట్లో వడ్ల గింజ వేశారు. అయినా ఆయన్ని మరణం ఏమీ చేయలేకపోయింది. అప్పట్లో బ్రెయిలీ లిపి లేదు. పోనీ అంధుల్ని చేరదీసే వ్యవస్థా లేదు. శర్మ అక్క పాఠశాలలో చదివినవి ఇంటిదగ్గర గొంతెత్తి బిగ్గరగా మననం చేస్తే అవే ఆయన విన్నారు. తల్లిదండ్రులు... ఇతరులు చెప్పే మాటలు, చేసే చిన్నలెక్కలు విన్నారు. ఒకటి, రెండు, మూడు.... ఎలా ఉంటాయో తెలియకుండానే గణితబ్రహ్మ అయ్యారు! సంవత్సరాలు, తిధులు, నెలలు, నక్షిత్రాలు, వారాలు, పక్షాలు... గంటలు, నిముషాలు, సెకనులు ఏవీ తెలియకున్నా అన్నీ తెలుసుకొని గణితంలో అపార విజ్ఞానం సాధించారు. చిన్నతనంలోనే తండ్రి మరణించడంతో తల్లి పెంచారు. కల్లూరులో రైతులకు ధాన్యం ధర, భూమి కొలతలు చెప్పేవారు. వారు ఆయనకి కొంత సొమ్ము చెల్లించేవారు. గణితంలో పేరు ప్రఖ్యాతులు పొందుతోన్న కాలంలోనే ఆయన వయొలిన్ పట్ల ఆకర్షితులై నేర్చుకొన్నారు.

సంజీవరాయశర్మ తొలిసారి 1928లో గణితావధానం నిర్వహించారు. అప్పట్నించీ 1995 వరకు ఆయన ఆంధ్రప్రదేశ్, కర్ణాటక, మహారాష్ట్ర, బీహారు, ఢిల్లీ రాష్ట్రాల్లో విస్తృతంగా పర్యటించి ఆరువేల ప్రదర్శనలు ఇచ్చారు. మహానగరాలైన ఢిల్లీ, ముంబాయి, చెన్నై, బెంగుళూరు, హైదరాబాదుల్లోను పలు ప్రదర్శనలిచ్చారు. అఖిల భారత కాంగ్రెస్ మహాసభలు 1928 నవంబరు 15న నంద్యాలలో జరిగినపుడు ప్రధాన ఆకర్షణ సంజీవరాయశర్మ గణితావధానమే! ఆయన పొందిన సన్మానాలు, ప్రదర్శనలు ఒక పుస్తకం అంత ఉన్నాయి. అప్పట్లో మద్రాసు గవర్నరు, భారత ప్రధాని జవహర్‌లాల్ నెహ్రూ వంటి జాతీయ ప్రముఖులు ఆయన మేధాశక్తికి ఆశ్చర్యచకితులయ్యారు! నాలుగువేల సంవత్సరాల వరకు సరిపోయే క్యాలండరు సైతం తయారుచేశారు. అప్పటి రాష్ట్రపతి డా. రాజేంద్రప్రసాద్ శర్మ ప్రతిభకు ముగ్ధులై తన దగ్గర ఉన్న సొమ్ము ఎం.ఓ చేయడం విశేషం!

అప్పట్లో అనీబ్‌సెంట్, నెహ్రూ, రాజేంద్రప్రసాద్‌లతో పాటు, బెజవాడ గోపాలరెడ్డి, శ్రీమాలి, హుమాయూన్ కబీర్, కాశీనాధుని నాగేశ్వరరావు, పి.వి.రాజమన్నార్, గవర్నర్ సర్ జార్జి స్టాన్లే, మేధ్స్ విజార్డ్ శకుంతలాదేవి తదితరులంతా శర్మ గణితావధాన ప్రదర్శనలు స్వయంగా తిలకించి అన్యులకు సాధ్యం కాదని వేనోళ్లా కీర్తించారు. శర్మ పలు విశ్వవిద్యాలయాల్లో, ప్రసిద్ధ కళాశాలల్లో అవధానం ప్రదర్శించి విద్యార్ధుల్ని ఉత్తేజితుల్ని చేశారు. అలాగే గ్రంధాలయాల పిలుపునందుకొని పలు గ్రంధాలయాల్లోనూ తమ గణితావధాన ప్రదర్శనలు చేశారు. అలాగే మేధమేటికల్ సొసైటీల ఆహ్వానం మేరకు వాటి సభ్యుల ముందు ప్రదర్శనలిచ్చారు. ఆయన ప్రతిభ రాయలసీమ నుంచి అంతర్జాతీయ వేదికలకెక్కింది. దురదృష్టం ఏమిటంటే 1993లో అమెరికా సందర్శించాలని ఆయన్ని అక్కడి తెలుగు సంఘాలు ఆహ్వానించినా సకాలంలో వీసా రాకపోవడంతో ఆ మేదావి ఇల్లు కదలలేకపోయారు. వివిధ విశ్వవిద్యాలయాలు... ఆయన్ని సత్కరించాయి. కొన్ని ఆయన్ని బంగారు పతకాలతో సత్కరించాయి. చిత్రమేమిటంటే 1964 అక్టోబరు పదో తేదీన శర్మ రేణిగుంట నుంచి తిరుపతికి రైల్లో ప్రయాణిస్తున్న సందర్భంలో ఆయన 14 బంగారు పతకాల సూట్‌కేసును దొంగలు తస్కరించారు.

ప్రపంచంలో అంధులైన మహా ప్రతిభావంతుల్లో జాన్‌మిల్టన్, బ్రెయిలీ కనుగొన్న హెల్‌న్ కెల్లర్, ద్వారం వెంకటస్వామినాయుడు వంటివారు పుట్టుకతో అంధులు కారు. తదనంతర కాలంలో వారు అంధులయ్యారు. మన దేశంలో గణిత శాస్త్రజ్ఞుల్లో భాస్కరాచార్యులు, రామానుజన్, శకుంతలాదేవి వంటివారు మంచి శిక్షణ పొందారు. కానీ సంజీవరాయశర్మ అంధుడే కాక చదువు సంధ్యలు లేని వ్యక్తి. అంతా వినికిడి జ్ఞానమే... ప్రపంచంలో ఆరుగురు గణిత శాస్త్రజ్ఞుల్లో ఒకరు శర్మ.

ఆనాడే బ్రిటిష్ వైస్రాయ్ ''ఈయన మా దేశంలో పుట్టి వుంటే దేశం నడిబొడ్డున విగ్రహం పెట్టి రోజూ పూజలు చేసేవాళ్లం'' అని శర్మనుద్దేశించి అన్నారు. శకుంతలాదేవి స్వయంగా నాకన్నా ప్రతిభావంతుడు అని అంగీకరించింది. అయినా ఆయన పేదరికంలోనే జీవించారు. శ్రీనివాస రామానుజన్ వంటి మేధావిని గుర్తించని దేశమిది. అలాగే సంజీవరాయశర్మని రక్షించుకోలేకపోయింది. 1997 డిసెంబరు రెండోతేదీన సంజీవరాయశర్మ అస్తమించారు. 'అంక విద్యాసాగర' విశ్వసాంఖ్యాచార్య, శ్రీవెంకటేశ్వర విశ్వవిద్యాలయం వారి గౌరవ డాక్టరేట్ పొందిన శర్మ తన చివరి రోజుల్ని శ్రీ కాళహస్తీశ్వరస్వామి సన్నిధిలో వయొలిన్ మీటుతూ స్వామినర్చిస్తూ గడిపారు! ఈ నోబెల్ బహుమతులు, మెగ్‌సెసేలు, జ్ఞాన్‌పీఠ్‌లు... ఆయన ప్రతిభ ముందు ఎంత చిన్నవో!

పాడిందే పాటరా పాచిపళ్ళ దాసరి !

2007-01-03T11:55:00.000-08:00

(...) గారు - పాడిందే పాటరా పాచిపళ్ళ దాసరి అంటూ - వాడిపోయిన తొక్కల లాంటి మాటలు మాట్లడటానికి ప్రసిద్ధి అని మొత్తానికి మళ్ళీ నిరూపణ అయ్యింది. "కేంద్రంలో భాజపా ప్రభుత్వం ఉన్నా , మరొకటున్నా రామాలయం నిర్మాణం పై ప్రభావం ఉండదు అట. ఎట్టి పరిస్థితిలోనూ ప్రాణాలు అర్పించి అయినా రామాలయం నిర్మిస్తాడు అట.". హ.హ.హ ప్రతి వాడికి అవసరం ఉన్నా లేకపోయినా ప్రాణాలు అర్పించటం అనేది ఒక ప్రహసనం గా మారిపోయింది. ఎలాగూ వాళ్ళంతట వాళ్ళు ప్రాణాలు అర్పించరు, అర్పించలేరు కాబట్టి, ఈ దరిద్రులకి వోట్లేసిన జనాలలోంచి ఒకడు వెళ్ళి కసుక్కున ఒక్క పోటు పొడిచి పారెస్తే గోల వదిలిపోతుంది. పైగా అయోధ్య హింసా కాండ జరిగిన దశాబ్దం తర్వాత కూడా ఇలాంటి మాటలు మాట్లాడితే గూబ గుయ్యి మనేలా ఒక్కటిచ్చుకోవాలి అని అనిపిస్తుంది. జనాలు మరీ పిచ్చి మున్..కొ..లాగా కనిపిస్తున్నారు ఏమో (...) గారికి..వీరి తొక్కలో తోక ఎవరన్నా మొదలంటా కత్తిరించండి బాబూ...ఇలాంటి వార్తలు వినలేక చస్తున్నాము..

రామా - నీల మేఘ శ్యామా - ఒక్క సారి నీ ధనస్సు తీసి, విరిగిపోయిన ఆ శివ ధనుస్సు అయినా సరే , ఆ ముక్కతో ఈలాంటి దిక్కుమాలిన దరిద్రులకి దిక్కు చూపిస్తూ దయచేసి దిక్కులు దద్దరిల్లేలా ఒక్కటిచ్చుకో

బైరాగిగారి అద్భుతమయిన కవితా ముత్యం

2007-01-02T19:16:00.000-08:00

ఆలూరి బైరాగిగారి కలం నుంచి జాలువారిన ఒక అద్భుతమయిన కవితా ముత్యం ఇక్కడ చూడండి

కవితా ముత్యం

తెలంగాణా తల్లి - తెలుగు తల్లి

2007-01-02T13:56:00.000-08:00

ఈ కే సీ ఆర్ మాటలు వింటూ ఉంటే ఎడ్వాలో నవ్వాలో తెలీడం లేదు. "తెలంగాణా తల్లి - తెలుగు తల్లి కంటే సీనియర్ అట. తెలుగు తల్లిని కుట్రపూరితంగా తెర పైకి తెచ్చారు అట.కిరీటం ఉండాలి అట, హిందు / ముస్లిం / కిరస్తానీ వాళ్ళు అంతా పూజించేటట్టు ఉండాలి అంట. ఈ విగ్రహాలు తయారు చేసి ఊరూరా ప్రతిష్టించాలి అట"

అర్ధం పర్ధం లేని ఈ పిచ్చి వాగుడు ఎంటిరా నాయనో - ఓరి నాయనో -ఈ రాజకీయ జంబూకానికి మతి భ్రమణం అన్నా కలిగి ఉండాలి , లేక పిచ్చి కుక్క అన్నా కరిచి ఉండాలి....ఏకంగా ఒక రాష్ట్రాన్ని ముక్కలు ముక్కలు చేసి , అందులో ఒక ముక్కకి ముఖ్యమంత్రి అయిపోదాము అని ఎంత ఆశరా మగడా... ఎడ్డి గొర్రెల మంద జనాలు , మందు - డబ్బు - క్రికెట్ బాటు పంచిపెట్టగానే - ఓట్లేసి గెలిపించారు...ఇక అడ్డూ ఆపూ లేదు మాటలకి...ఎప్పుడు బాగు పడతారురా నాయనా...

వాఙ్గ్మయం , సారస్వతం , సాహిత్యం

2007-01-01T19:47:00.000-08:00

వాఙ్గ్మయం అంటే మాటల కూడిక అని అర్ధం అని, సారస్వతం అంటే అర్ధమైన రసంతో కూడుకుని ఉన్నది అని, సాహిత్యం అంటే హితంతో కూడుకుని ఉన్నది అని ఇప్పుడే తెలిసింది

సిగరెట్

2007-01-01T19:43:00.000-08:00

సిగరెట్ ఒక స్థూపాకార వస్తువు. దానికి ఒక చివర నిప్పు, మరొక చివర మూర్ఖుడు ఉంటారు ...

పరీక్ష - ఎవరు ఎవరికి ?

2007-01-01T19:39:00.000-08:00

బంగారానికి పరీక్ష అగ్ని
స్త్రీకి పరీక్ష బంగారం
పురుషుడికి పరీక్ష స్త్రీ

మాతృభాషపై మనవారి మమత తగ్గి

2006-12-26T20:46:00.001-08:00

మాతృభాషపై మనవారి మమత తగ్గి
పరుల బాస పై యెందుకో పెరిగే ప్రేమ
అల్లరుచిమెండు పొరిగింటి పుల్లకూర
ఇంటి యిల్లాలి వంటకంబింపు కాదు

అమ్మ నాన్నయను పిలుపులాయె వెగటు

2006-12-26T20:46:00.000-08:00

ఎక్కడో ఎప్పుడో చదివినట్టు ఉంది...ఎస్.కే పిళ్ళై అనే ఆయన అనుకుంటాను , ఈ పద్యాలు రాసినట్టు గుర్తు...ఖచ్చితం కాదు గానీ అనుకుంటున్నా...చాలా రోజులకి గుర్తు వచ్చింది

అమ్మ నాన్నయను పిలుపులాయె వెగటు
మమ్మి డాడి యనంగనే మధురమాయె
అత్త మామాయనే మాట లుత్తవయ్యె
ఆంటి అంకుళ్ళు నేటి స్టైళ్ళాయె

అల్లసాని వారి వచనం చూడంది ఎంత హృద్యంగా ఉందో - Part 2

2006-12-20T14:44:00.000-08:00

ధర కెంధూళులు కృష్ణరాయల చమూధాటీ గతిన్‌ వింధ్య గ
హ్వరముల్‌ దూరగ జూచి, తా రచట కాపై యుండుటన్‌ చాల న
చ్చెరువై యెర్రని వింత చీకటులు వచ్చెం జూడరే యంచు వే
సొరిదిం జూతురు వీరరుద్ర గజరా ట్శుద్ధాంత ముగ్ధాంగనల్‌

అభిరతి కృష్ణరాయడు జయాంకములన్‌ లిఖియించి తాళ స
న్నిభముగ పొట్టునూరి కడ నిల్పిన కంబము సింహ భూధర
ప్రభు తిరునాళ్ళకున్‌ దిగు సురప్రకరంబు కళింగమేదినీ
విభు నపకీర్తి కజ్జలము వేమరు బెట్టి పఠించు నిచ్చలున్‌

అల్లసాని వారి వచనం చూడంది ఎంత హృద్యంగా ఉందో

2006-12-20T14:41:00.000-08:00

అల ప్రోతిప్రభు దంష్ట్ర, భోగివర భోగాగ్రాళి రా, లుద్భటా
చల కూటోపల కోటి రూపు చెడ నిచ్చల్‌ రాయగా నైన మొ
క్కలు భూకాంతకు నున్ననయ్యె నరస క్ష్మాపాలు శ్రీకృష్ణరా
యల బాహా మృగనాభి సంకుమద సాంద్రాలేప పంకంబునన్‌

క్రూర వనేభ దంత హత కుడ్య పరిచ్యుత వజ్రపంక్తి బొ
ల్పారు మిడుంగురుంబురువు లంచు వెసన్‌ గొనిపోయి పొంత శృం
గార వన ద్రుమాళి గిజిగాడులు గూడుల జేర్చు దీపికల్‌
గా రహి కృష్ణరాయ మహికాంతుని శాత్రవ పట్టనంబులన్‌

మన విలువలు పడిపోవటానికి కారణం ఏమిటి ?

2006-12-19T03:27:00.000-08:00

A monthly periodical called 'Just Another Magazine (JAM)', a picture of lord Shiva has been used for creating awareness among people about AIDS. On the last page of this periodical, there is a picture of a Lord Shiva under which it is written that 'Khada hai to Condom hai.'

Members of Hindu Janajagruti Samiti (HJS) held demonstrations outside the Head Office of 'JAM" for denigrating Lord Shiva.

See the images of mocking advertisement and protests at -

మన విలువలు పడిపోవటానికి కారణం ఏమిటి ?

పార్వతీశ్వర కవుల "బొంగర" కవితా సౌరభము

2006-12-16T14:05:00.000-08:00

పార్వతీశ్వర కవుల వారు విరజిమ్మిన "బొంగర" కవితా సౌరభము

రింగు రింగున తిరుగు నా బొంగరంబు
యేమియో వ్రాయుచున్నది ఇసుకలోన
బడికి పోలేదు పొత్తంబు పట్టలేదు
యెట్లు వచ్చినదో దీనికింత చదువు..

బొంగరం ఆట గురించి చెప్పిన ఈ పద్యం ఎంత హాస్యస్ఫోరకంగా ఉందో చూడండి

ఎల్లొద్దామా పుల్లీ ఎల్లొద్దామా...

2006-12-16T12:03:00.000-08:00

ఎక్కడ చదివానో, విన్నానో గుర్తు లేదు కానీ గబుక్కున ఎందుకో జ్ఞాపకం వచ్చింది. గుర్తు ఉన్నంతవరకు రాసాను. అచ్చంగా ఇలాగే ఉండేదో లేక నేను ఏమన్నా తప్పులు రాసానో తెలిదు కానీ, చదువుకుని ఆనందించండి.

ఎల్లొద్దామా పుల్లీ ఎల్లొద్దామా
కల్లు దుకానాని కెల్లొద్దామా పుల్లీ!!
కల్లూ తాగీనోళ్ళు
కైలాస మెల్తారంట
సారా తాగినోళ్ళు
సర్గ మెల్తారంట!
ఎల్లొద్దామా పుల్లీ ఎల్లొద్దామా
కల్లు దుకానాని కెల్లొద్దామా పుల్లీ!!
కడుపూ సందరమైతె
కాలవ సారాయైతె
పడుతూ లేత్తూ తాగి
బాగా కై పెక్కాలి
ఎల్లొద్దామా పుల్లీ ఎల్లొద్దామా
కల్లు దుకానాని కెల్లొద్దామా పుల్లీ!!

వేళ్ళు - చెయ్యి - దేముడు

2006-12-16T11:36:00.000-08:00

చిటికిన వేలు సింగారం
ఉంగరపు వేలు బంగారం
నడిమి వేలు నాన్న
చూపుడు వేలు నీకేసి
బొటన వేలు బొట్టేట్టి
ఐదు వేళ్ళా అరచెయ్యి
అరచెయ్యి అరచెయ్యి అంటింఛి
దేముడికి దణ్ణం పెట్టు.

లలిత సుగుణజాల తెలుగుబాల

2006-12-16T11:34:00.000-08:00

" తెలుగు శతకంలో ఉన్న ఒక పద్యం "

ఎద్దునెక్కెను శివుడు గద్ద నెక్కెను విష్ణు
హంసనెక్కె పంకజాసనుండు
బద్ధకంపు మొద్దు బల్లపైనెక్కెరా
లలిత సుగుణజాల తెలుగుబాల

ఎంతగానో గర్వించదగ్గ దేశాభిమానం - మహామనీషి

2006-12-16T10:46:00.000-08:00

బిస్మిల్లాహ్ ఖాన్ గారి గురించి ప్రజాసాహితిలో వచ్చిన పద్యాన్ని కింద ప్రచురించిన తరువాత, నా మనస్సుకి హత్తుకుపోయిన మణిపూస లాంటి ఆయన మాట ఒకటి చెప్పాలి అనిపించింది.అది తలచుకున్నప్పుడల్లా మనసు పులకరించిపోతుందండి నాకు. అంతటి వెల లేని వజ్రాన్ని కన్న తలిదండ్రులు, మన దేశంలో పుట్టినందుకు మనము ఎంతగానో గర్వించదగ్గ విషయం.

ఆయన ఒకసారి విదేశాలలో కచేరీ చేస్తున్నప్పుడు, ఒకాయన ఆయనని అడిగాడు అట "ఏవండీ మీరూ భారతదేశంలో ఎందుకు, చక్కగా ఇక్కడికి వచ్చెయ్యండి. మా దేశంలో ఉండిపోదురు గానీ - మీకు బోలెడన్ని సన్మానాలు, పేరు ప్రఖ్యాతులు తీసుకుని వస్తాము మా దేశం తరఫునుంచి".

అప్పుడు బిస్మిల్లాహ్ ఖాన్ గారు ఏమన్నారో తెలుసా ?

"నాకు ఈ దేశానికి వచ్చి ఉండటానికి అభ్యంతరం లేదు కానీ, ఒక్కటే షరతు..నా తల్లి గంగా నదిని, నా దైవం కాశీ విశ్వనాథుడిని మీ దేశానికి తీసుకుని రండి. అప్పుడు ఆనందంగా వారి సన్నిధిలో మీ దేశంలోనే నా శేష జీవితం గడుపుతాను" అని.

బిస్మిల్లాహ్ ఖాన్ గారిని అలా అడిగిన పెద్దమనిషి మొఖంలో నెత్తురు చుక్క లేదు అని వేరే చెప్పనక్ఖరలేదు అనుకుంటా.

మన దేశం ఎంతగానో గర్వించదగ్గ మహామనీషి బిస్మిల్లాహ్ ఖాన్.

బిస్మిల్లా ఖాన్ జాతి ఆత్మ

2006-12-16T04:02:00.000-08:00

భగవద్గీత చదవలేదు
ఖురాను కంఠస్తం చెయ్యలేదు
కానీ అతనొక మహా శివరాత్రి
కాశీ విశ్వేశ్వరాలయంపైన నెలవంకను తగిలించాడు

మానస సరోవరాల ఘనీభవనంతెలియదు
మనుషులు శిలలుగా మారే వైనం కూడా తెలీదు
కాని అతను శిలలను ద్రవీకరించె అద్భుత ప్రక్రియ కనుగొన్నాడు

గాత్రంతొ గారడీలు చెయ్యలేదు
స్తోత్రపారాయణాలూ చెయ్యలేదు
కానీ అతను
మనుషుల పందిరిమీద
సప్తసువాసనల లతనెదో పాకించాడు

నదీ స్నానాలు చెయ్యలేదు
కొండలు గుట్టలు ఎక్కలెదు
కాని అతను
గంగాబాలను తన ముంగాళ్ళమీద
సురస్వరాల ఉయ్యాలలూగించాడు

ఏకాంత మానవద్వీపాలు చూడలేదు
విచ్ఛిన్న శకలాల గూర్చి వినలెదు
కాని అతను
ఒకేసారి అరవై మందిని
ఉమ్మడి గా వాటెసుకున్నాడు

మహా దార్శనికుడేమీకాడు
ప్రవక్త అంతకన్నా కాడు
కానీ అతను
గుండెనిలువునా తెరిచి
తన జాతి ఆత్మను ప్రపంచానికి ప్రదర్శించాడు
అతను బిస్మిల్లా ఖాన్

Courtesy - ప్రజా సాహితి ,డిశంబర్ 2006

విద్వాన్ విశ్వంగారి కవితా కౌశలం - పెన్నేటిపాటలో

2006-12-15T13:58:00.000-08:00

విద్వాన్ విశ్వంగారి కవితా కౌశలం చూడండి వారి పెన్నేటిపాటలో ...

సర్కారు సిబ్బంది సరిజేయుటకు కొంత,
సాలు జమాబంది పాలు కొంత;
పొరుగూరి మన్నీల సరఫరా కింత,
ఆలేకార్ల లంచాలలోకి కొంత;
పేట పెద్ద వకీలు పిళ్లెకు కొంత,
కాంపౌండరు మునుసామి పాలు కొంత;
కోడెరెడ్లకు కొంత, గుఱ్ఱాలకై కొంత,
బగ్గీలకై కొంత, భటుల కింత;
పెద్ద మహడీలు కట్టిన పేర కొంత,
పూటపడి అచ్చవలసిన పాలు కొంత,
తన వివాహాలు నాల్గింటికిని మఱింత,
కొంత కొంతయె ఖర్చు కొండంత యయ్యె.

పుట్టపర్తి వారిని సరస్వతీ పుత్ర అని ఊరకే అన్నారా ?

2006-12-15T13:15:00.000-08:00

పుట్టపర్తి వారి శివతాండవములోని ఒక అద్భుత పద్యాన్ని చూడండి. సరస్వతీ పుత్ర అని ఊరకే అన్నారా ?

తమ్ములై, ఘటితమోదమ్ములై, సుకృతరూ
పమ్ములై, శాస్త్రభాగ్యమ్ములై, నవకోర
కమ్ములై, వికచపుష్పమ్ములై, దుమ్మెదల
తమ్ములై, భావమంద్రమ్ములై, హావఫు
ల్లమ్ములై, నూత్న రత్నమ్ములై, వల్గుహా
సమ్ములై, గన్గొనలసొమ్ములై, విశ్రాంతి
దమ్ములై, రక్తకిసలమ్ములై, రక్తిచి
హ్నమ్ములై, తంద్రగమనమ్ములై గెడఁగూడి
కులుకునీలపుఁగండ్లఁ దళకుజూపులు బూయ
ఘలుఘల్లుమని కాళ్ళఁ జిలిపిగజ్జెలు మ్రోయ
ఆడెనమ్మా! శివుఁడు
పాడెనమ్మా! భవుఁడు

పుట్టపర్తి వారి శివతాండవములోని అద్భుత పద్యాన్ని చూడండి

2006-12-15T13:08:00.000-08:00

పుట్టపర్తి వారి శివతాండవములోని ఇంకొక అద్భుత పద్యాన్ని చూడండి

మొలక మీసపుఁగట్టు, ముద్దుచందురు బొట్టు
పులితోలు హొంబట్టు, జిలుఁగు వెన్నెల పట్టు
నెన్నడుమునకు చుట్టు క్రొన్నాగు మొలకట్టు
క్రొన్నాగు మొలకట్టు గురియు మంటల రట్టు
సికపై ననల్పకల్పక పుష్పజాతి, క
ల్పక పుష్పజాతిఁ జెర్లాడు మధురవాసనలు
బింబారుణము కదంబించు దాంబూలంబు
తాంబూల వాసనలఁ దగులు భృంగ గణంబుఁ
గనుల పండువు సేయ, మనసు నిండుగఁ బూయ
ధణధణధ్వని దిశాతతి బిచ్చలింపంగ
ఆడెనమ్మా! శివుఁడు
పాడెనమ్మా! భవుఁడు

అద్భుతమయిన కవితా సంకలనం! యమాద్భుతంగా ఉంది

2006-12-09T12:37:00.000-08:00

అద్భుతమయిన కవితా సంకలనం

రచించిన కవి వయసు పాతికే కానీ రచన మటుకు పండిపోయింది. యమాద్భుతంగా ఉంది. ఇలాంటి మంచి రచన మన వద్దకు తీసుకువచ్చిన మాగంటి వారికి ధన్యవాదాలు.

ఈ పుటకి వెళ్ళి "తెలుగోడు" మీట నొక్కండి.

"అద్భుత పద్య గద్య" సమూహంలో ఉన్న "తెలుగోడు" మీట నొక్కండి.

అంత మీట వెతుక్కునే ఓపిక లేదా...అయితే ఇక్కడ చదవండి

"తెలుగోడు"

400 ఏళ్లనాడే భారత్లో నానోటెక్నాలజీ!

2006-11-29T10:56:00.000-08:00

మతయుద్ధాల్లో కత్తులకు భారత్ నుంచే ఇనుము

400 ఏళ్లనాడే నానోటెక్నాలజీ!

హాంబర్గ్: శతాబ్దాల కిందట క్రైస్తవ రాజులపై ముస్లిమ్‌లు సాగించిన మత యుద్ధాల్లో వాడిన కత్తుల కోసం ఇనుమును భారత్ నుంచి తీసుకొచ్చారని జర్మనీ నిపుణులు అభిప్రాయపడ్డారు. ఇందులో ఓ రకమైన నానో టెక్నాలజీని వినియోగించారని వారు పేర్కొన్నారు. ఈ కత్తులు అత్యంత పదును కలిగి ఉంటాయి. పురాతన కాలంలో భారత్‌లో వాడే వూజ్ అనే ఇనుప ముద్దల ద్వారా వీటిని తయారుచేసినట్లు చెప్పారు. అత్యాధునిక పద్ధతుల్లో ముడి ఇనుమును శుద్ధి చేసి దీన్ని రూపొందించారని జర్మన్ పరిశోధకులు వివరించారు. అయితే ఈ ప్రక్రియ తాలుకు రహస్యాలు 18 శతాబ్దంలోనే గల్లంతయ్యాయి. యూరప్‌కు చెందిన నిపుణులు ఇప్పుడు వీటిని తిరిగి తయారుచేయలేకపోతున్నారు. అప్పట్లోనే కంసాలీలు ఇంత ఆధునిక పరిజ్ఞానాన్ని ఎలా సంపాదించారో ఇప్పటికీ శాస్త్రవేత్తలకు అంతుచిక్కడంలేదు. ఇందుకోసం వారు పరిశోధనలు జరుపుతున్నారు. 17వ శతాబ్దం నాటి ఒక కత్తిని పరిశీలించిన శాస్త్రవేత్తలు కార్బన్ నానో ట్యూబ్‌ల ఆచూకీని పసిగట్టారు. అంటే నాలుగొందల ఏళ్ల కిందటే నానో టెక్నాలజీ అప్పటి చేతివృత్తుల వారి అందుబాటులో ఉందని డ్రెస్డెన్ విశ్వవిద్యాలయానికి చెందిన పీటర్ పాఫ్లర్ చెప్పారు.

Courtesy: EENADU

దీని భావమేమి తిరుమలేశా ?

2006-11-27T08:57:00.000-08:00

కుతిక నలుపుగాని శితికంధరుడుగాడు
పాముకాదు, నెమలి పక్షి కాదు
గంతులిడుచు, నడచుగాని కప్పయుగాదు
దీని భావమేమి తిరుమలేశా ?

సమాధానం : ఊరపిచ్చుక